آيات مشهورة من الكتاب المقدس من2 CORINTIOS 6

شارك

Mu me coꞌoluc xameltsan acꞌopic schiꞌuc li buchꞌutic muc bu yichꞌojic ta mucꞌ li Cajvaltique schiꞌuc mu me xanupunic schiꞌuc. Yuꞌun li buchꞌu tuqꞌuibem yoꞌone mu xuꞌ ta schiꞌin sbaic schiꞌuc li buchꞌu muc bu tuqꞌuibem yoꞌone. Jech chac cꞌu chaꞌal li sac osile ti mu scap sba schiꞌuc li icꞌal acꞌubale.

Jech chac cꞌu chaꞌal mu junuc sna schiꞌuc li santoetic li Diose. Li joꞌotique coꞌol schiꞌuc schꞌulnautic li cuxul Diose yuꞌun jech onoꞌox yaloj li Diose: Chinaqui ta yoꞌonic, te ta jchiꞌin o. Joꞌon Diosun yuꞌunic, jaꞌ jnichꞌnabtac, xi onoꞌox.

Jech yaloj nojtoc: Mu me xapasic li cꞌustic chopol jech chac cꞌu chaꞌal tspasic li buchꞌutic mu xiyichꞌic ta muqꞌue. Ictaic li cꞌustic chopole, chaquiqꞌuic ta jtojol. Joꞌon Atoticun, jnichꞌnaboxuc, xi onoꞌox li Cajvaltic Dios li jaꞌ sventainoj scotole.

Jech nojtoc li Cristoe mu coꞌoluc yoꞌonic schiꞌuc li pucuje. Jech mu coꞌoluc coꞌontic schiꞌuc li buchꞌutic muc bu yichꞌojic ta mucꞌ li Cajvaltique.