آيات مشهورة من الكتاب المقدس منVakatekivu 35

شارك

Sa kaya vua na Kalou, “Oi au na Kalou Kaukauwa; mo vakaluveni ka tubu me lewe vuqa. O na yaco me dua na matanitu, ena tubu mai vei iko na veimatanitu, ka ra na tubu mai ena nomu kawa na tui eso. Na vanua au sa solia vei Epara-ama kei Aisake au sa solia vei iko kei ira na nomu kawa era na muri mai.”

Eda sa na biuta na vanua oqo ka lako ki Peceli, ka me'u na tara mai kea e dua na i cabocabonisoro vua na Kalou, o koya ka vukei au ena gauna ni noqu rarawa, ka sa tiko ga kei au ena vanua kece sara au sa lakova.”

A sa kaya na Kalou “Na yacamu o Jekope, ia mai na gauna oqo ka lako yani, sa na yacamu o Isireli.”

A sa tukutuku yani o Jekope vei ira na nona lewenivale kei ira kece sa tiko kaya, “Mo ni biuta laivi kece na veikalou tani e tu vei kemuni; mo ni vakasavasavataki kemuni ka daramaka na i sulu savasava.

A sa qai kaya na Kalou vei Jekope, “Mo lako i Peceli, ka la'ki tiko mai kina. Mo tara mai kea e dua na i cabocabonisoro vua na Kalou, o koya sa rairai vei iko ena nomu a dro tani mai vua na tuakamu o Iso.”

Ia ni tekivu me solia na i otioti ni nona i cegu ni voleka ni mate, sa qai vakatoka me yaca ni luvena o Penioni, ia sa vakatoka o tamana me yacana o Penijamini.