آيات مشهورة من الكتاب المقدس منXhun 9

شارك

As techal chit tuk unb'an unq'a b'a'nile' uva' tal tzan u chajol vetze' sve tul uva' ye'xnaj b'en q'ii, tan tul la ok aq'b'al, as ye'xheb'il la uch ve't taq'onve'.

As tul atiltel in vatz u tx'ava'e', as in txijun tetz u taanxelal unq'a uxhchile',— ti'k Aak.

As ech tal ve't unq'a ichusulib' Aak ile': —¿Chusul, ab'il etz u paave' ti' uve' tzot vas naje' stitz'eb'e'? ¿Ma ipaav naj? ¿Pet moj ipaav u txutx b'aalae'?— ti'k chajnaj. Ech tal ve't Aak ile': —Ye'le. Jit ipaav naje'. As jit ipaav vitxutx naje' tuk' vib'aal naje' uva' tzotik naj stitz'eb'e', pet aq'al uva' la ik'uch u Tiixhe' vib'a'nile' ti' naj. As esti'e' tzotik naj stitz'eb'e'.

As ech tal ve't Aak ile': —Esti'e' kat ul in vatz u tx'ava'e' ti' ul unjatxat ixo'l unq'a uxhchile', tan la ilon ve't unq'a uxhchile' uva' ye' ni tilone'. Pet ech koj unq'a uxhchile' uve' ni tilone' ni tale', as a'e' uva' tzot ve'te',— ti'k Aak.