آيات مشهورة من الكتاب المقدس منYOBO 2

شارك

Kutani nsati wa yena a ku eka yena: “Xana wa ha tiyisile eku lulameni ka wena-ke? Rhukana Xikwembu, u fa!” Yobo a ku eka yena: “U vulavula kukotisa xihunguki loko xi vulavula. Xana hi ta amukela leswo saseka emavokweni ya Xikwembu, hi nga amukeri swo biha-ke?” Etimhakeni toleto hinkwato Yobo a nga dyohanga hi nomu wa yena.

Yehovha a ku eka Satana: “Xana u tsundzukile Yobo nandza wa mina-ke? Hikuva a ku na la fanaka na yena emisaveni, la fambaka hi ku lulama ni ku tenga, la chavaka Xikwembu, la fularhelaka swo biha. Wa ha tiyisile eku lulameni ka yena, hambi u ndzi phikelerile ku n'wi lovisa ntsena.”

Yehovha a ku eka Satana: “U le mavokweni ya wena, ntsena u tsetselela vutomi bya yena.”

Vanakulobye va Yobo ha vanharhu, va twa khombo leri n'wi weleke, kutani un'wana ni un'wana a suka eka rikwavo, Elifasi wa ka Temani, Bilidada wa ka Xuwaka, na Sofara wa ka Naama, va hlangana marito, va ta swin'we ku ta tsetsa Yobo ni ku n'wi chavelela. Kuteloko va tlakuse mahlo va ha ri kule, a va n'wi tivanga; kutani va tlakusa marito, va rila, va handzula tinguvu ta vona va tikhuva hi ntshuri etinhlokweni ta vona, va wu tsutsuxa ehenhla. Kutani va tshama na yena ehansi, hi masiku ya ntlhanu na mambirhi, ni vusiku bya ntlhanu na byimbirhi, va nga vulavuli na yena, hi ku vona leswaku ku vaviseka ka yena ku kurile ngopfu.