آيات مشهورة من الكتاب المقدس من1 TIHOSI 3

شارك

loko swi ri tano, nyika nandza wa wena mbilu ya ku tiva ku avanyisa tiko ra wena ni ku hlawula leswo saseka eka leswo biha! Hikuva i mani la nga tivaka ku avanyisa tiko leri teleke leronghasi, leri nga ra wena?”

waswivo, ndzi endlile hi laha u nga vula hakona: ndzi ku nyikile mbilu leyi tlhariheke leyi nga ni ku twisisa leswaku, emahlweni ka wena a ku nga si va ni munhu kukotisa wena, ni ndzhaku ka wena a ku nga humi munhu la kotisaka wena.

Kutani Xikwembu xi ku eka yena: “Leswi u kombeleke swona, u nga tikombelelanga masiku layo tala, hambi rifuwo, hambi vutomi bya valala va wena, kambe u tikombelele ku twisisa ku yingisisa leswo lulama

Ehenhla ka swona, ndzi ta ku nyika ni leswi u nga swi kombelangiki, ri nga rifuwo ni ku twala, leswaku ku nga ka ku nga vi na munhu la kotisaka wena exikarhi ka tihosi eku hanyeni hinkwako ka wena.

Kutakuloko u famba etindleleni ta mina u ri karhi u hlayisa ku lerisa ka mina ni milawu ya mina, hilaha Davhida, tata wa wena, a fambeke hakona, ndzi ta lehisa masiku ya wena.”

Yehovha a humelela eka Solomoni eGibiyoni, eku lorheni nivusiku; kutani Xikwembu xi ku eka yena: “Kombela lexi u rhandzaka ku nyikiwa xona.”

Sweswi Yehovha, Xikwembu xa mina, u fumisile nandza wa wena ematshan'weni ya Davhida, tata wa mina: kambe ndzi wandzisanyana ntsena a ndzi tivi ku huma ni ku nghena.

Rito leri, ri tsakisa Hosi, hikuva Solomoni a a komberile swona.

Solomoni a ku: “U kombisile tintswalo letikulu eka nandza wa wena Davhida, tata wa mina, hilaha a nga famba emahlweni ka wena entiyisweni, ni le ku lulameni, ni le vuneneni bya mbilu; u n'wi hlayisele tintswalo letikulu leti, kutani u n'wi nyikile n'wana la tshamisaka exitshan'weni xa vuhosi xa yena hilaha swi nga swona namuntlha.

Kutani nandza wa wena u le xikarhi ka tiko ra wena, leri u ri hlawuleke, tiko leri teleke hi vanhu, leri va nga tiviki ku ri hlaya ni ku ri pima hikwalaho ka vunyingi bya rona