آيات مشهورة من الكتاب المقدس منGen 26

شارك

Re' hat ti patinoq pee chupaam i ye'aab' re' re', re' hin naa nuwihiik awuuk', eh naa kaat nutoob'eem, ruum naa nuye'em aweh i chu'nchel i ye'aab' wili, naa wo' nuye'em keh awiih aamaam. Chi je' re', naa rojiik eloq wach i nuq'orom cho rib'iral reh i kamnaq awajaaw, Abraham.

Re' hin naa nuk'ihaaxb'isam awiih aamaam, korehtaal kiponik chi je' kik'ihaal i ch'umiil wilkeeb' pan taxaaj. Eh naa nuye'em keh chu'nchel i ye'aab' wili. Kuum taqe awiih aamaam re' re' naakik'ulum i wotob'il chu'nchel i tinamit sut i wach ak'al. Je' re' naa nub'anam, ruum re' aawajaaw Abraham, xirunimaj, xunimaj wo' hoq i xnuq'or reh, eh xunimaj i nuk'uhb'aal, xuk'am wo' naah ixnutijej wii', inki.

Re' i Isaac, xelik reje ar najt chik xooj, eh ar xuk'ot wo' chik jinaj i jul ha'. Ma' xkian ta chik i peleto chi riij. Ruum aj re', xukoj i rub'ihnaal i jul ha' re' re' chi ma' xta q'orik chi riij, eh je' wili i xuq'or: Yu'naak xuyeew q'ab' i QaJaaw Dios chi ma' awach ta chik naa ruq'o'riniik qeh, eh chi naaqeliik korik, inki.

Ar xuk'uhtaaj riib' i QaJaaw Dios reh i Isaac, je' wili i xq'orarik reh: Mat'ooj paruyuq'ul i Egipto. Ar la' naa apatiniik chupaam i ye'aab' naa nuq'orom aweh i hin.

Eh re' Isaac chupaam i ye'aab' re' re' xuyejaa' jinaj i artaal chi tusuj ab'aj, ar xub'an rutiij chuwach i QaJaaw Dios. Ar xpatinik, eh re' taqe i rumoso i Isaac jinaj wo' chik i jul ha' xkik'ot ar.