آيات مشهورة من الكتاب المقدس منLUK 9

شارك

आप्पुड येशुड आंदारनी आन्या, “जर यवारकी आना ना यंका वच्चेद इच्छा उंटे तर वाड स्वतान नाकारीयाला इंगा धीन्नाम वानदी क्रुस यतकेन ना यंका नडवाला.

येनटीक की यवाड पण स्वताद जेम वाचाय मतेदेंक सुशी वाड दान गमाय मतकुनी, पण यवाड ना इचांग स्वताद जेम गमायमती वाड दान वाचाय मतकुनी.

पण येशुड वान आन्या, “यवाड पण नांगरकी शेय आंचीनेंका यंका सुस्ताड, वाड परमेश्वर राज्यक उपयोगी लेड.”

येनटीक की मनशी आंता दुन्याम मिळाय मती स्वतान गमाय मतकुनी लेकाते स्वताद नाश शेस्कुनी तर वानकी येम फायदा आय्यी?

यवाड पण ना बद्दल लेकाते ना वचनला बद्दल शिग्गु फडी, वान बद्दल मनशी कोडकु पण यप्पुड वान आब्बान इंगा पवित्र दुतला गौरवला वच्ची आप्पुड शिग्गु फडी.

आप्पुड येशुड वान आन्या, “लांडगालकी गुफाल इंगा मोडामलोन गुवालकी इंडलु उंडाय, पण मनशी कोडकुक नत्ती टेकाशेदेंक जागा लेद.”

इंगा शिष्यलान आन्या, “यवार ना फेरता इ बिडान स्वीकार शेस्ताड वाड नन्नु स्वीकार शेस्ताड इंगा यवाड नन्नु स्वीकार शेस्ताड वाड यवाड नन्नु आंपीनाड वान स्वीकार शेस्ताड; येनटीक मी आंदार दिंटल्या यवाड आंदार काना शिन्नावोड उंडाड वाडे फेद्दावोड उंडाड.”