آيات مشهورة من الكتاب المقدس منLomɛ́ŋ 3

شارك

bámáal gɛfal bɔ́bɔ́ bem, anaány bányá ayáyá na nugúm ná Gɔdányá. Kányɛ gɔ́g, Gɔdányá agág gá bese, óndonyó bɔ́ besi gilé gilé agá Yésu Kilíse wáŋɔ́naná bɔ́ gá bɛfal.

Gɔdányá guondonyi band besi agág gá búsió gɛsɛgɛl bádábaná Yésu Kilíse. Uguála nɔ́ gá ebe gidigid bádábaná Kilíse, gágual ká, band nyɛ táŋ buanda búmoóm agág gá eŋís

Gɔdányá madɔ́m Kilíse anyɛ mbúny yá mbasa ká, agá gélem gá nigú nág, band bádábaná wɔ́ bia gɛnɛnɛna gɔ́b gá bɛfal. Umáal anaány ká, údíye ká unyɛ bigul gidigid osi gágual ká udiméeŋin band bá nsua nugényigény gá bɛfal bɔ́b. Anyɛ́ udiɔ́bɔ́nɔ́ ilób fiaŋ, umaányɛ nɔ́ ínen, anyɛ́ wambaná gudíye agá gigúl giád gímoom ká ubá osi, wónd wóndi ebe bádábaná Yésu besi.

Kány gúnyá ká, ta mɔnd udɛgabá osi agá eŋís yá Gɔdányá gágual ká umofuógónyí bisele. Gá guán, bisele guála ká mɔnd ɔ́sɔn ká unyɛ na gɛfal.

Mbɔbɔnɔ ya Gɔdányá guɔ́yɔ ká: Osi wa mɔnd dɛbá, ta omoóm, Ta mɔnd udɛgúsɔ́ŋɔ́ná ubú búnyá bese, ta omoóm wambaná Gɔdányá udɛba. Bɔ́bɔ́ bem báguadɔg agá nŋili ya bese, abánaan bɔ́bɔ́ gidigid, ta walaná bese udɛba, ta omoóm.

Ŋɛ́ɛɛ! Dɛgɔ́bɛ́dága gɔg ká, band gond besi aga eŋís ya Gɔdányá gágual ka báguádábaan, saá gágual ká, bógúfuógonyi bisele.

Ágó, saá anaány! Ta anyɛ́ búnyɛ́ ká mɔnd gidigid nyɛ ɔsɔ́bɔsɔ́b, dɛgúbianan ká dɛ́lɛ́ns sáŋ ká Gɔdányá nyɛ́ meliŋítas, gɔɔ́gɔ́ anyɛ́ búnyá buɔ́ŋɔ́n ká: Buanda gidigid ɔyɔ́nɔ́ band, báguánan ká anyɛ osi, ogúyodonyi ebe bégúgélenyé.