آيات مشهورة من الكتاب المقدس منMateo 25

شارك

”Cʉ̃jãcã tairo ĩ sãĩñañerõcã yʉ Nipetira Nirũpʉ̃pe abiro ĩ yʉgʉacu: ‘Yʉ mʉjãrẽ atiere diamacãrã wede. Mʉjã yara nipetirare no mʉjã watoapʉ nipetirasotoa buri nirãrẽ no nirẽmena ñurõ tiriara, yʉrena ñurõ tira tiwʉ’ ĩgʉacu cʉ̃jãrẽ.

Cʉ̃cã tairo ĩñerõcã tʉogʉ cʉ̃ nirũpʉ̃pe ĩyugʉ: ‘Ñujo. Mʉ ya padedecotegʉ ñugʉ̃ queoro tigʉ ña. Yʉcã mʉrẽ dotiriarora abiro pẽrõgã yʉcã mʉrẽ cũriguemenamañurẽ mʉ ñurõ tiayu. Mʉcã tora abiro ñurõ tiarigue wapa mʉrẽ yaye pajere cotedotigʉ cũgʉ̃da. Tairo tigʉ yʉmena ʉseagʉ watiya’ ĩyugʉ.

Ĩcʉ̃ cʉ̃cã cʉoariguemena ñurõ tʉomasĩrĩwãmemena apeye wapatanemo paje cʉogʉre cʉ̃rẽ sotoa nʉniyoroacu. Tairo tigʉ cʉ̃cã cʉoariguesotoape paje cʉonemogʉagawi. Buri ãpĩ cʉ̃cã cʉoariguemena ñurõ tʉomasĩheriwãmemenape apeye wapatanemorõ manirõ icãta cʉohegʉre cʉ̃cã pẽrẽgã cʉomoãriguegãpʉrena emapetiyoroacu.

Tairo ĩ wedetuwacogʉra ʉ̃sãrẽ abiro ĩwĩ: —Atie queorera abiro yʉcã upatuti watiatere ĩñerõcã tihoracãrẽ mʉjã icãta masĩheri. Tairo tira mʉjã yʉ buera tʉomasĩrã nomiãcã ñurõ quenoyueriarora abiro mʉjãcã ñurõ tʉomasĩ, quenoyueariarapʉ niña ―ĩwĩ.

Mʉjã yʉcã ʉaboañerõcã yʉre yarigue ecawʉ. Yʉcã ñemesipioyoñerõcã mʉjã yʉre oco tĩãwʉ̃. Yʉcã mʉjã cʉtiro eañerõcã yʉre ĩñamasĩhericaperacãrã canirõ cũwʉ̃.

Cʉ̃ nirũpʉ̃pe cʉ̃rẽ ĩyugʉ: ‘Ñujo. Mʉ ya padedecotegʉ ñugʉ̃ queoro tigʉ ña. Yʉcã mʉrẽ dotiriarora abiro pẽrõgã yʉcã mʉrẽ cũriguemenamañurẽ mʉ ñurõ tiayu. Mʉcã tora abiro ñurõ tiarigue wapa mʉrẽ yaye pajere cotedotigʉ cũgʉ̃da. Tairo tigʉ yʉmena ʉseagʉ watiya’ ĩyugʉ.

Yʉcã suti cʉoheriñerõcã mʉjã yʉre suti nʉniwʉ̃. Yʉcã diagʉ niñerõcã mʉjã yʉre ĩñawõnowʉ̃. Yʉcã peresupʉ niñerõcã mʉjã yʉre ĩñarã earucũwʉ̃’ ĩgʉacu.