آيات مشهورة من الكتاب المقدس منमरकुस 7

شارك

क्यूंकै विचार, यानि जिकौ विचार मिनख रै मन मे ऊं निकळै, बुरा विचार, कुकरम, चोरी, हत्या, व्यभिचार, लोभ, हरैक तरैह रा खोटा कांम, छळ, बुरी निजर, निंदा, गेलाई अर चुगली करणौ। अर ऐ हैंग खोटी बातां जिकौ मे ऊं निकळै ऐ हीज मिनख नै भीस्ट करै।”

ऐड़ी कोई चीज कोनीं जिकौ मिनख नै बारै ऊं आयनै भीस्ट करै, पण जिकौ की मिनख रै मांयनै ऊं निकळै, वोहीज उणनै भीस्ट करै है।

वो उणौनै कयौ, “भविसयवांणी मे यसायाह थौरे जैड़ा कपटियो रै बारै में घणौ पैला कैह दियौ हो, जिकौ लिख्योड़ौ है, ‘परमेसर कैवै है, ऐड़ा लोग मूंडा ऊं तो म्हारौ मांन करै, पण उणौरौ मन म्हारै ऊं आगौ रैवै।

ऐ बेकार मे म्हारी उपासना करै, क्यूंकै वे मिनखां री आग्याओं नै म्हारै आग्या बणान सिखावे।’

क्यूंकै थै परमेसर री आग्या नै टाळनै मिनखौ री रीति रिवाज नै मांनौ हो।”