آيات مشهورة من الكتاب المقدس منलूका 6

شارك

दूजौ नै देवोला, तो थांनै भी दियौ जावैला। इतौ ही नीं पण पूरा नाप ऊं दबा दबायनै अर हिला हिलायनै अर ढ़ूळतोड़ो थांनै दियौ जावैला। क्यूंकै जिण नाप ऊं थै नापो हो, उण नाप ऊं ही थौरे वास्तै नापेला।”

भलौ मिनख आपरै मन रा भलै भंडार ऊं भली बातां निकाळै अर नगटो मिनख आपरै मन रा भंडार ऊं नकटी बातां निकाळै। क्यूंकै जिकौ मन मे भरयोड़ौ है वो इज मूंडै माथै आवै।

अपणै बैरियो ऊं परैम करौ, भलाई करौ। अर पाछा नीं मिलणा री आस ऊं उधार दो। इण ऊं थांनै मोटो फळ मिळैला अर थै परमेसर री औळाद बणौला। क्यूंकै वे जिकौ उणौनै धन्यवाद दैवै उणौ माथै ही नीं पण भूंडै लोगां माथै भी दया करै है।

जैड़ा थौरा परम पिता दयाळु है, वैड़ा ही थै भी दयाळु बणौ।

“किणी माथै दोस मत लगाओ, तो थौरे माथै भी दोस नीं लगायो जावैला। किणी रौ न्याव मत करौ, तो थौरो भी न्याव नीं करैला। माफ करौ, तो थांनै भी माफी मिळैला।

“पण म्हैं थांनै सुणणै वाळौ नै कैवूं हूं, की अपणै बैरियो ऊं भी परैम राखौ। जिकौ थौरे ऊं घिरणा करै है, उणौरौ भलौ करौ। जिकौ थांनै बुराई दे, उणौनै आसीस दो। जिकौ थौरे साथै चौखौ व्यवहार नीं करै, उणरै वास्तै पराथना करौ।

जैड़ौ थै चावौ हो की लोग थौरे साथै करै, वैड़ौ इज थै भी लोगां रै साथै करौ।

जिकौ थौरे एक गाल माथै थप्पड़ मारै तो दूजोड़ौ गाल भी उणरै आगै कर दो। जे कोई थौरो कोट ले लेवे तो उणनै अपणौ कुड़तौ भी ले लेणे दो। जिकौ कोई थौरे ऊं मांगे, उणनै दो। अर जिकौ कोई थौरी चीज जबरदस्ती ले ले, तो उण ऊं पाछी मत मांगो।

“कोई भी चौखौ रुंखड़ौ ऐड़ौ कोनीं जिणरै खराब फळ लागै अर कोई खराब रुंखड़ौ कोनीं जिणरै चौखा फळ लागै।

हर एक रुंखड़ौ आपरै फळ ऊं ओळखिजै, क्यूंकै लोग झाड़ियौ ऊं अंजीर कोनीं तोड़े, अर नीं किणी बोरड़ी ऊं लोग अंगूर उतारे है।