آيات مشهورة من الكتاب المقدس منမဿဲ 13

شارك

မြေဩဇာကောင်းသောမြေဆီလွှာပေါ်သို့ ကျသောမျိုးစေ့များဆိုသည်မှာ သာသနာတော်အကြောင်းကို ကြားနိုင်၊ သိနိုင်၊ နားလည်နိုင်ပြီး အသီးအပွင့်များ အဆပေါင်းတစ်ရာ၊ ခြောက်ဆယ်၊ တစ်ရာမက ပွားများနိုင်သူများကိုဆိုလိုသည်” ဟုမိန့်တော်မူ၏။

ဆူးခြုံပင်များကြားထဲသို့ ကျသောမျိုးစေ့များဆိုသည်မှာ ဘုရားရှင်သာသနာတော်အကြောင်း ကြားသိကြရသော်လည်း နေ့စဉ်ဘဝနေထိုင်ရေးအတွက် စိုးရိမ်ပူပန်မှုနှင့် လောကီစည်းစိမ်များကို လိုချင်တပ်မက်သောလောဘများက ကြားသိထားသည့်အကြောင်းအရာများအား ပိတ်ဆို့လိုက်သည့်အတွက် အသီးမသီးနိုင်သောအပင်များကဲ့သို့ ဖြစ်သွားသောသူများကို ဆိုလိုခြင်းဖြစ်သည်။

မည်သူမဆို ဘုရားရှင်၏သာသနာတော်အကြောင်း ကြားသိရသော်လည်း ထိုအရာများကို နားမလည်နိုင်ဖြစ်နေကြပြီး မာရ်နတ်သည်လည်း ရောက်လာ၍ သူတို့၏စိတ်နှလုံးထဲမှ ကြားသိထားသမျှတို့ကို လုယူသွား၏။ လူသွားလမ်းပေါ်သို့ ကျသောမျိုးစေ့များမှာ ထိုသူတို့ကို ဆိုလိုခြင်းဖြစ်၏။

ကျောက်ခံမြေပေါ်သို့ ကျပြီး ပေါက်လာသည့်အပင်များဆိုသည်မှာ တရားတော်ကိုကြားနာရပြီး ဝမ်းမြောက်ဝမ်းသာစွာဖြင့် ချက်ခြင်းလက်ခံကြသောသူများကို ဆိုလိုခြင်းဖြစ်၏။ သို့သော် အမြစ်များမစွဲကပ်နိုင်ခြင်းကြောင့် ခဏသာ ရှင်သန်နိုင်ကြပြီး သူတို့သည် နှိပ်စက်ညှင်းပန်းမှုများနှင့် ကြုံတွေ့လာရသောအခါ၌ စိတ်ပျက်ကြ၍ သူတို့၏ယုံကြည်မှုများအား ချက်ချင်းပင် စွန့်လွှတ်တတ်ကြသောသူများကို ဆိုလို၏။

ရွှေမြို့တော်၏သာသနာတော်သည် လယ်ထဲ၌ဝှက်ထားသော အဖိုးတန်ရတနာများနှင့်တူ၏။ လူတစ်ယောက်သည် ထိုအရာများကို မြင်သောအခါ ပြန်လည်ဝှက်ထားပြီးနောက် သူသည် ဝမ်းမြောက်ဝမ်းသာစွာဖြင့် ထွက်သွားကာ သူပိုင်ဆိုင်သမျှတို့အား ရောင်းချ၍ ထိုလယ်ကို ဝယ်လေ၏။

အချို့မျိုးစေ့တို့သည် ကောင်းသောမြေဆီလွှာပေါ်သို့ ကျရောက်ပြီး အပင်ပေါက်လာကာ အချို့သည် အဆတစ်ရာ၊ အချို့သည် အဆခြောက်ဆယ်၊ အချို့သည် အဆတစ်ရာ အသီးအနှံများဖြစ်ထွန်းလာကြ၏။

ရိတ်သိမ်းချိန်မတိုင်ခင်အထိ ထိုအပင်တို့အတူတူကြီးထွားကြစေလော့။ ရိတ်သိမ်းချိန်၌ ရိတ်သိမ်းမည့်သူတို့အား ပေါင်းပင်များကို အရင်ရိပ်သိမ်းကာ စု၍မီးရှို့ရန် အစည်းလိုက် ချည်ထားခိုင်းပြီး စပါးပင်များကိုတော့ ငါ၏ကျီထဲတွင် စုပြီးသိမ်းခိုင်းလိုက်မည်’ ဟုဆိုလေ၏” ဟုမိန့်တော်မူ၏။