آيات مشهورة من الكتاب المقدس منST. MARK 6

شارك

Oo‐oo dush oogeënaun, Umba ezhahdah emuh buhgwuhduhkuhmig chenezhekawezeyung, nahkoowa dush aunwabeyook: kebahtuheënewug muh egewh pahezhahjig kuhya egewh mahyahjahjig, kah dush kekushkeoosewug kuhnuhga chewesenewaud.

Owh dush Jesus oogeënaun, Kahween ahgahsanemahse aunwahjega‐wenene, me atuh emuh tebenuhwa oodinduhnuhkewining, kuhya anduhzhe‐ahyahnid oodenuhwamahgunun, kuhya emuh tebenuhwa oowegewauming.

Jesus dush uhpe kahkuhbaud, kahwahbuhmaud dush keche‐nebewah ahnishenahban, oogeketemahganemaun, debishkoo muh mahnishtahnishug wamahnishtahnishe‐wenenemesegoog keëzheähyahwug: oogemahje‐kekenooahmoowaun dush nebewah gagoo.

Kah dush kekushkeoose kuhnuhga chemahmaundah-ahnookeed, me atuh ketaungenaud punge ayahkoosenejin, kenoojemooaud edush. Oogemahmahkahdandaun dush ween azhedabwayanduhsenig. Kewetuhyeëe dush emuh oodanaunsing kepuhbah‐kuhgequa.

Oogeoodahpenaun dush enewh nahnun buhquazhegunun, kuhya enewh neezh gegooyun, kezhegoong dush keënahbid kemahmooyahwad, kuhya dush kebuhquabenaud enewh buhquazhegunun, keënenuhmoowaud enewh ookekenooähmahgunun, chemeenahnid enewh ahnishenahban; kuhya dush enewh neezh gegooyun, kuhkenuh oogemahdahoonaun. Kuhkenuh dush kewesenewug, kuhya ketabeseneähwug. Oogeoodahpenahnahwah dush enewh eshquunjegunun metahswe‐ahshe neezhoo‐kookoobenahgunun mooshkin, kuhya enewh gegooyun.