آيات مشهورة من الكتاب المقدس منمارقُس 1

شارك

ءينكر‑د ياسوع غ‑تيلّاس ن‑صّباح، ءيفّوغ ءيفتو س‑يان ماني غ‑ور‑يلّي يان، ار‑غين‑يتژالّا.

ار‑يتّيني: «ءيكمّل زّمان، تاكمور‑د‑تگلديت ن‑ربّي. فلات كولّو ما‑تسكارم يُخشن، تغويم غ‑لخبار‑اد ءيفولكين.»

غير ءينكر‑د زغ‑وامان س‑يژرا ءيگنوان رژمن، ءيگّوز‑د فلّاس رّوح لقودوس ن‑ربّي زوند يان‑وتبير، ءيساول‑د يان‑واوال زغ‑يگنوان ييني: «كيّي تگيت ءيوي ءيعزّان. فرحغ سرك باهرا.»

نكّي سّدّمغ‑كُن غ‑وامان، ءيمّا نتّا را‑كُن‑يسّدّم س‑رّوح لقودوس ن‑ربّي.»

ءيساول ياسوع ييني‑اسن: «اشكاد‑د مونات ديدي، رارغ‑كُن ا‑تگم ءينگُمارن ن‑مدّن.» فلن شّبايك‑نسن غاكودان، مونّ ديدس.

ار‑تعجّابن غ‑ولمّود‑نس اشكو ار‑سرسن‑يساوال غمكلّي دارس لحقّ اد‑اسن‑ييني ما‑تن‑د‑يقّانّ ا‑ت‑سكارن. ءور‑يگي نتّا زوند ءيمسلمدن ن‑شّرع.