آيات مشهورة من الكتاب المقدس منМарк 13

شارك

Дун сабаблъун киналго гӀадамазда рихина нуж. Амма ахиралде щвезегӀан сабру гӀурав чи хвасарлъила.

Воре, нуж рорчӀуда чӀа, кида бачӀунебали лъаларелъул гьеб заман.

Судалда цере чӀезе нуж рачараб мехалъ, щибдай бицинаян цебеккунго ургъел ккоге нужеда. ГьебсагӀат нужерго рекӀелъе рещтӀараб жо абун биччай. Щайгурелъул нуж гуро гьебмехалъ кӀалъазе ругел, нужер рекӀелъе рещтӀараб Илагьияб РухӀин кӀалъазе бугеб.

Зобалги ракьалги тӀагӀаниги, дир рагӀаби нахъе хутӀизе руго.

Амма цониги инсанасда лъаларо гьеб къо, гьеб сагӀат кида тӀаде щвезе бугебали. Я зобалазул малаикзабазда лъаларо, я Васасда лъаларо, гьеб лъала цохӀо Инсуда.

Рагъал ккун ругилан ва ккезехъинги ругилан рагӀани, гьелдаса нуж хӀинкъуге. Гьеб цебеккунго лъугьине ккола, ва гьеб жеги ахирзаман гуро.

Гьедин нужги рорчӀуда чӀа! Нужеда лъаларелъул рукъалъул бетӀергьан кида тӀадвуссун вачӀиневали: маркӀачӀумехалъищ, яги сордо бащалъараб мехалъищ, яги радакье хӀелеко бахъараб мехалъищ, яги рогьа-роцӀараб мехалъищали. Гурони, тохлъукье тӀаде рехун гьев вачӀараб мехалъ, кьижун ратила гьесда нуж! Нужеда гуребги, цогидаздаги абулеб буго дица: воре, нуж рорчӀуда чӀа!

Цо халкъ цоги халкъалде, цо ханлъи цоги ханлъиялде тӀаде кӀанцӀила. БакӀ-бакӀалда ракь багъарила, ракъи баккила. Гьеб ккола лъимер гьабизе хӀара чӀваялъул гӀадинаб унтиялъул байбихьи.

Амма ахирзаман тӀаде щвелалде киналго халкъазда Рохалил хабар лъазабун букӀина.

Чанги вукӀине вугелъулха, жив дун вугилан абун вачӀунев чи. Чангиял гьез къосинаризеги руго.

Нужеца нужеего гӀамал гьабе: щаян абуни, дун сабаблъун нуж судалде ахӀила, синагогабазухъе рачун рухила, наибзабазда ва парччахӀзабазда цере чӀезарила, дир муридал ругилан нугӀлъи гьабизе.

Щаян абуни, гӀемер рукӀине руго гьебмехалъ гьересимасихӀалги гьересиаварагзабиги. Бажарани, хӀатта тӀаса рищарал муъминзабигицин къосинаризе бокьун, чанги гӀаламатал ва мугӀжизатал рихьизарила гьез.

Дол къоязда, гьеб гӀакъуба-къварилъиялдаса хадуб, бакъул нур тӀагӀун ина, ва моцӀрол канлъиги ссун ина. ЦӀваби зодиса гӀодоре гъенон рачӀина, ва къвакӀарал зобалги гьаргьадила.