آيات مشهورة من الكتاب المقدس منरोमि 1

شارك

का ख्रिस्‍टको रेम्‍काबानाल हिङपालि मालेदेरखा। हाइदोनु इदोइ रेम्‍काबानाल खान्‍धुर पाका गोताङ द्‌याङगेलाइता लाम्‍फा यहुदिगेलाइ कालाउ एला बोजात्‍यागेलाइहेङ सिन्‍हुपाका परमेस्‍वरको सरबङ।

हाइपानु रेम्‍काबानालता परमेस्‍वरसो लोका धरमाति काथा देखाल जेङका हि। कालाउ इदोइ ते खान्‍धुरसो सुरु जेङतेङ खान्‍धुरसो दोङ पोङघाखे। धरमकिताबता इस्‍काङ लेखिका हि, “धरमाति द्‌याङचाहिँ खान्‍धुरसो दोङ सिन्‍हुतावा।”

इदोइ काथा सत्‍ते, परमेस्‍वरको हेअ्‌लाउ मामुअ्‌का सरबङ रो वा हिसिका हि दोअ्‌तेङ केलाइ ताइको मिँहोइ तिङलि माद्‌वाङ। कालाउ दुनियाको सिरजाइसो दोङ वाको बान्‍हाइका थोकगेलाइसो द्‌याङगेलाइ परमेस्‍वरहेङ रेम्‍फा बुझिलि दोखे। इङकोभाअ्‌सिङ एम्‍बालाइहेङ हिदिङ आलपाका थामेदोङ मान्‍थु।

इङको द्‌याङगेलाइ परमेस्‍वरहेङ नाल्‍तेङ बुङ वासेहेङ पालिगोइका मान मापाहि रो वासेहेङ च्‍याबास बुङ माचार्‍हाइहि। कालाउ द्‌याङगेलाइको बिचारगेलाइ काम मालागिका जेङहि रो कितिकितिकाहोइ एम्‍बालाइको कोन्‍धाङहेङ थुमपिहि।

एम्‍बालाइ परमेस्‍वरको सत्‍तेहेङ आसत्‍तेदोफा सोहि। कालाउ सिरजाइका रो दिनाङ मान निङलिगोइका परमेस्‍वरहेङ माको कालाउ वाको बान्‍हाइका थोकहेङ एम्‍बालाइ पुजिहि रो चाकर पाहि।

स्‍वरगसो परमेस्‍वरको चेर द्‌याङगेलाइको पापिर्‍हुता रो दुरजन काम पाकालाइर्‍हुता परेका हि। इदोङ दुरजन कामसो दोङ सत्‍तेहेङ थुमपिका हि।

इदोइभाअ्‌सिङ परमेस्‍वर एम्‍बालाइहेङ ताइको इछा आन्‍सार आखेका रो लेदेरका काम पालि लाअ्‌पिहि। एम्‍बालाइको बेबालाइ ताइ केअ्गेलाइदोफा जिम्‍लि लाअ्‌तेङ बेबालाइदोफाङ जिम्‍लि तेङहि। एम्‍बालाइको केअ्गेलाइ बुङ ताइ बेबालाइदोफा जिम्‍लि लाअ्‌तेङ वाबालाइदोफाङ जिम्‍लि तेङहि। कालाउ एम्‍बालाइको पाका मारेम्‍का कामगेलाइको दार एम्‍बालाइ ताइमिङ भोगेलि गोइहि। एसापा एम्‍बालाइ परमेस्‍वरहेङ पिलिगोइका मान बुङ पिलि लाअ्‌हि। एसा जेङलाउ वा एम्‍बालाइहेङ आखेका कामगेलाइ पाको दोअ्‌तेङ एम्‍बालाइकोङ इछाता लाअ्‌पिहि।

द्‌याङगेलाइ ताइमिहेङ आकिल हिका हिघा दोअ्‌तेङ फोम पाघाखे। कालाउ एम्‍बालाइ आकिल मान्‍थुका जेङहि। एम्‍बालाइ हेअ्‌लाउ मामुअ्‌का परमेस्‍वरहेङ मान पालिगोइकाता मुअ्‌का द्‌याङ, गुपुस, जिह्‍याँ जुइल्‍हेङ रो सेसालाइका गुपुसगेलाइको रुपहेङ पुजिहि।