آيات مشهورة من الكتاب المقدس منयुहन्‍ना 14

شارك

“सान्‍ति का नेलाइदोफा लाअ्‌ध्‍याङका। का ताइको सान्‍ति नेलाइहेङ प्‍याङका, कालाउबुङ दुनियाको पिकाभाइपा माको। नेलाइको कोन्‍धाङ दुखि माज्‍याको रो थिलिगोइका माज्‍याको।

इसु इङकोहेङ दोअ्‌हि, “दामा, सत्‍ते रो जिबन कादोङ हिघा। का बाहेक हासुसो बुङ आबाकोता हानिलि माद्‌वावा।

इसु चात्‍यागेलाइहेङ दोअ्‌हि, “नेलाइको सुरता मापासु। नेलाइ परमेस्‍वरहेङ खान्‍धुर पासुखेना, कासेहेङ बुङ खान्‍धुर पासु।

कालाउबुङ साल्‍हापिका, माकुनु पुनित हाङसा, जाइहेङ आबा काङको मिङता दिङगिलावा। वा नेलाइहेङ गोताङ काथा धिरपावा। का नेलाइहेङ दोअ्‌का गोताङ काथा नेलाइहेङ फोम पापावा।

कासेहेङ माया पाका इङकोङ, जाइदोफा काङको हुकुम हि रो इङको साअ्‌खे। कालाउ कासेहेङ माया पाकाहेङ काङको आबा माया पाखे। का इङकोहेङ माया पाङका रो का ताइमिङहेङ इङकोता देखाल प्‍याङका।”

का आबादोफा पारथाना पाङका रो वा नेलाइहेङ भेनेङ साल्‍हापिका प्‍यावा रो वा नेलाइदोफाङ दिनाङ ह्‍यावा। या सत्‍तेको हाङसा हि, जाइहेङ दुनिया र्‍हुलि माद्‌वावा, हाइदोनु दुनिया वासेहेङ नाते तिङखे ना नाल्‍खे। नेलाइ वासेहेङ नाल्‍सुखेना, वा नेलाइदोफा बासा हिखे रो वा नेलाइता हितेङह्‍यावा।

नेलाइ काङको मिङता जेदोङ र्‍हेलाउ बुङ चानसो आबाको पारताप ज्‍याको दोअ्‌तेङ का इङको नेलाइहेङ प्‍याङका। नेलाइ काङको मिङता हिदिङ थोक र्‍हेसुन्‍हा पानु का पाप्‍याङका।

“नेलाइ कासेहेङ माया पासुन्‍हा पानु काङको हुकुमगेलाइ साअ्‌स्‍वाना।

काङको आबाको साअ्‌ता हिका थामेगेलाइ हेन्‍जाङ हि। एन्‍सा माकुनु, नेलाइको भाअ्‌सिङ थामे त्‍यार पालि का हानिदोङखा दोअ्‌तेङ नेलाइहेङ दोअ्‌धाङका कुनु?

कालाउ हानितेङ नेलाइको भाअ्‌सिङ थामे त्‍यार पाकान्‍हुअ्‌सो का आरोङ ल्‍वाङका रो नेलाइहेङ काङकोता चुमप्‍वाङका। कालाउ जेता का हिघा, इन्‍ता नेलाइ बुङ हिस्‍वाना।

थोमा वासेहेङ दोअ्‌हि, “प्रभु, ना हिसो हानिदोङखेना, केलाइ मागिन्‍हाखे, कालाउ केलाइ दामा हेसापा नाल्‍लि?”