آيات مشهورة من الكتاب المقدس منMARKUSI 14

شارك

Arongoa: «Ɓaɓangu, piya trongo umukinishiha haho. Niɓausiye ishikombe ya matreso ini; ne mav̄endzeleo tsi ɗe yangu, ɓadi ɗe yaho.»

Namuke hashiri na ufanya mamilio, ile musuzainiwe. iRoho, iyo na djitihadi, ɓadi umwili, uwo murembwavu.»

Nisumuambiani ha kweli, kula v̄ahanu iHaɓari Ndjema itsojudziwao hari mwa lidunia kamili, itrongo mutrumama unu aifanya itsotolwa tsena hadisi ha umunahana.»

Awaambia: «Umo wangu ungiliwa na huzuni, ata tsa kariɓu na ufa. Namuɓaki v̄anu, tsena muke hashiri.»

Wakati wakoɗya, Insa arenge dipe, na ɓaanda ahimidia, alikutrua-kutrua, av̄alo maswihaɓa yahe na uwaambia: «Namurenge, unu ɗe umwili wangu.»

Amwesa arenge shikombe, na ɓaanda ahimidia, awav̄ayo, wano piyawo. Awaambia: «Ini ɗe idamu yangu idhiɓitishao umukataɓa wa muparano, damu yendrao yatrihe ya watru wengi.

Insa aambia maswihaɓa yahe: «Piyanyu musendra mwakwale. Mana v̄uangihwa: ‹Nitsorema umutsunga, na yamaɓariɓari yatsotsambadziwa.›

Namuhime, rendre! Tsuo, mutru aniv̄iriao nyuma, asukuruɓia.»

Ɓas, Insa amudjiɓu: «Nisuhuambia ha kweli, wawe leo uku v̄anu kamwe, kaɓula kukuyi kalayeha mara mbili, utsonihara mara traru.»