آيات مشهورة من الكتاب المقدس منLUKASI 8

شارك

Yao yapuliha hari mwa itrotro ndjema, ɗe wale wakia urongozi ule ha roho ndjema yarahara, wao uusika, amwesa ustahamili ata wadze mavuna.»

Yao yapuliha hari mwa malavu ya miɓa, ɗe wale ɓaanda wakia urongozi ule, wao uendra na trongo zawo: yimifikirisho, zingutadjiri, na zingunafasi za lidunia lini uɓala pumu urongozi ule, ha heli ya uka amba wao udza mbia, ɓadi kaziketsi ata zadzinya.

Yao yapuliha hari mwa kawe, ɗe wale wamokia urongozi ule, waurengao ha furaha, ɓadi kausisi mizi. Wao uamini hari mwa muda ata wamodjereɓiwa, wao ulisha.

Amwesa awaambia: «Uaminifu wanyu wa hav̄i?» Wasikwa na faza na ushangavu ata wakoambiana: «Unu mutru mbani unu aãmurishao ata pev̄o na maji, na wizo zisumutuĩ!»

Yao yapuliha ndziani, ɗe wale wakiao, amwesa Iɓilisa uja utoa rohoni hawo urongozi ule, pare wasuamini, wasuhuyiwe.

Mana kav̄usi yadzama kaitsov̄enuha, wala ya siri kaitsojulihana, yatolwa heuni.

Mutrumama ule iv̄o afahamu amba ajulihana, aja adzivutsu mindruni hahe ha udridrima, amwesa arongoa mbeli za piya watru wale imana ata amuɓamba, na inamuna aangala sa na isa ile. Ɓasi Insa amuambia: «Mama, uaminifu waho uhuhuyi, endra ha usalama.»

Sa ile maswihaɓa yahe watsengelea wamumidze. Wamuambia: «Fundi, Fundi, risuangamia!» Ahimi, ashemea ipev̄o na yamaluja, yatrulia, na ishiwari ilala.