آيات مشهورة من الكتاب المقدس منLUKASI 17

شارك

Amwesa amuambia: «Hima wendre dzaho, uaminifu waho uhuhuyi.»

Na neka ahukoso mara saɓa hari mwa suku, amwesa ahujilia mara saɓa ha ujutsa na utsaha muswamaha, v̄av̄o muswamihi.»

Moja mengoni mwawo v̄ale wakati aona amba azihiriha, aregea, amutukuza Mungu ha ji lendza nguvu. Awu ha maswa mindruni ha Insa, amuv̄oshelea marahaɓa. Na uwo aka Musamariya.

Namudzifahamishe nafusi zanyu. Neka mwananyaho akoso, murudi, amohukia, muswamihi.

Ɓas, Insa arenge umurongo arongoa: «Hali watru kumi tsi ɗe wazihiriha? Ɓas, shendra waɓaki wa hav̄i?

Ɓas Raɓi arongoa: «Na djeli mukana uaminifu mauri mwana mbia mutiti rahana umutiti, mwatsoambia umuri unu: ‹Dzirurumwe, wadzitaɓu ɓaharini›, na uwo utsomutuĩni.»

Mutru atsahao adzivukishe uhayati wahe, atsolatsishiwa nawo; ɓadi mutru utsomulatsishiao, uwo atsouvukisha.

Insa aambia maswihaɓa yahe: «Kaitsomukinishiha amba v̄wasuke trongo zakwalisa watru, ɓadi maondo ha uwo atsozitsongeshao! Ɓasi itsoka ɓorwa waye ufungwa na ɓwe tsingoju, andre atrilwe nanga zilindrini, rahana uka amba waye ɗe akwalisa moja hari mwa uwatiti wao.

Zahidjiri wakati wa Nuhu, ɗe zitsohidjirio wajau hari mwa zisuku za uMwana wa Mwanadamu. Wanadamu wakoɗya, wakonwa, wakolola na ulodza ata mupaka ɗe isuku Nuhu angia moni na lidjahazi; lidzaha la maji lija, liwaangamidza piyawo.