آيات مشهورة من الكتاب المقدس منYUHANI 12

شارك

Neka mutru asutsaha anirumishiye, naniɗunge; na v̄ahali nilio, v̄av̄o wajau ɗe v̄ahali murumishi wangu atsokao. Neka mutru asunirumishia, Ɓaɓangu atsomuhishimu.

Monyewe uv̄endza uhayati wahe, atsoupoteza, na uwo aengao uhayati wahe ulemenguni v̄anu, atsouvukisha ha uhayati mukamilifu wa daima.

Kweli, nisumuambiani ha kweli, neka mbia yapuliha trotroju kayafa, iyo uɓaki mbia moja tu. Ɓadi neka ifu, iyo uv̄inga mavuna mengi.

Tsija mauri nuru ulemenguni v̄anu, pare mutru yotsi aniaminio, asuɓaki shidzani.

Neka mutru asukia marongozi yangu ne kasuyatuĩ, wami tsi ɗe nimuhukumuo. Mana tsaja amba nihukumu ulemengu, ɓadi nihuyi ulemengu.

Ɓas, Mariama arenge shiv̄imo ya marashi ya nardo yendza thamani ɓole, kayatsanganisiwa na shitru yangina, ayatria mindruni ha Insa, amwesa ayiv̄angua ha zinyole zahe; na inyumba ika ijaya harufu ya yamarashi.

Ɓas, warenge mahuri, wandre wamurenge ha ushelemedza: «Hozana! Naɓarikishihe uwo ajao ha lidzina la Mola, uMufalume wa Israila!»

Sa ile Insa awadjiɓu: «Wakati uja wa uMwana wa Mwanadamu|Mwana wa Mwanadamu utukuziwa.