آيات مشهورة من الكتاب المقدس من2 MAKORINTIYO 4

شارك

Ha izo, wasi uangalia tsi ɗe zile zionehanao ha yamatso, ɓadi ɗe zile kazionehana. Mana zionehanao uv̄ira na ndzia, ɓadi izo kazionehana uka ha daima.

Iyo ɗe imana ata karisupuha ɓari. Ata neka amba hatruju ɓuumbio la v̄ondze latru lisuangamia, ɓadi la moni lisufanyiha pia suku ha suku. Mana zitaãɓu ndzangu za leo ziriparao, zisuridzalia ha indadi kaina mupaka utukufu wa daima.

Risongwa ha kula namuna, ɓadi karatseresewa; riɓaɓanyiha, ɓadi karalawa tama; risutreswa, ɓadi karahalwa; riuswa, ɓadi karaangamia.

Ɓadi idafine iyo risuiv̄inga moni hatru, wasi rilio ziya za ɗongo, ile ushindzi kauna mufano unu uonehane amba ulawa ha Mungu, ɓadi tsi hatru.

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

Mana Mungu Monyewe arongoa: «iHeu naiwaliye ishidza», awala moni na iroho yatru, ile awalise ujuzi wa utukufu wahe Mungu hari mwa isura ya Kristi.