آيات مشهورة من الكتاب المقدس منLomu 12

شارك

Mo ngingi ngamuamua'i loxo tamitema ane ixoxolu no isivoxosio uasi. Ngingi ngapilixingengi noxou Mosinge so anu uxiuxiunu xavuta­lamengi mo uxalixu alavua. Uxa­lixu alavua laso no anu xoluxolu noxinge ngingi ngamomomo so ngatilovosou masaxa noxou Mosinge. Mo axone la ngalavu no anu ilixo laixe mo ulapusi ane u'osasou.

Laso tavivilo, nenge tamaisou iaiama noxou Mosinge axone laso eni atama pakia'u noxinge aloxo 'o. Tamitema ilaixi'a tamisoposi so lexe noxou Mosinge. Ioxe, ngingi nga'oxo axone no anu vasimenge. Ngalosinge mo ngakalipalangengi lexe noxou u'isalili, xo anu u'osasinge ane. Ngaxolu nga'itinu ualasou no anu mauli noxinge.

Ngaxolu opongengi ulu'e mo ngalopalanu voxo so osa'ila ili'i. Xe loxo tu'umaxu uxali la ngatulu pakia'ingesi. Mo opongengi ututu­lusi so ngavikala noxou Mosinge.

Ngapilixingengi so ilixo masumasua uua'ulingenge uasi. Ngingi ngaua'ulixu ilixo masumasua no anu ilixo laixesi.

Mo ngamasaxa'inge ngato'o xo ngingi tavivinge ane. La ngingi vilevilesi ngalu'engengi io ngavi­kalasi'a tavivinge laixe.

Mo aloxo 'o. Loxo ngasexelaxa'a tamenexinge la ngasexelaxa'a manina, ngakalavoi uasi. Xe ngamatapianu ilixo masua mo ngakamakulunu ilixo laixe pakia'u.

Loxo ngingi vote'i la ngaxalixu tu'utu'umaxu uasi. Laixe loxo ngoli'a tamitema latala ngaxolu laixesi.

Ai tamaula, loxo tami­tema ilosinge tu'umaxu la ngingi ngatovonu so ngakolinu ilixo noxi'a uasi. Ngapilixinu noxou Mosinge so loxo anu molu la'iaxui'a la molu ukolinu. Xo tatei mikaukavunu Tatananenge vaika­laou aloxo 'o, “Lakolisou ilixo masumasua ne anu mi na'a xelisi, ne eni melo akolinu.”

Mo ngapauxe no anu xaixai noxou Tatananenge uasi. Ngapilixingengi noxou Ulenu Laixe so u'avutini­xinge so xavingengiou xaixai anene.

Ioxe, Mosinge muiaiama noxilo mo musosovosilo so alanu vaika­laou. Laso apelototosinge ngingi mukalusi aloxo 'o. Ngingi vilevilesi nga'itingengi lexe ngingi talaixe noxi'a tamenexinge uasi. Ngingi menge ngatilovosinge laixe, xo lopala noxinge ne Mosinge molu mulosinge no anu masaxa noxousi.

Xe aloxo 'ola. Loxo tamitema i'oxonu masua noxinge la ngako­linu no anu masua uasi. Nga'oxonu ilixo ane ulapu no ie'i tamitemasi.

Ilixo noxinge iou vilesisi noxi'a tamitema mukalusi. Nga'itingengi so ngaxi­xao noxi'a tamitema tatiatilasi uasi. Ngalu'engengi mo ngaxixaosi'a tamitema vitanisi kalumo. Mamu so nga'itingengi mo nga'oxo lexe, “Ai, eni amosou lavulavu a.” Nga'oxo axone uasi.

Anene mi noxou Mosinge, ia ngingi la nga'oxo loxo ulemolu no anu vaikalaou aloxo 'ola, “Loxo ulua­meni vile usolixu la na'itixu la'ilali. O loxo usoliou lexa la natauxou lexa. Loxo na'oxonu laixe axone la anu umailamulinu ilixo mu'oxonu noxine.”

Mo loxo tamitema i'oxongengi masua la ngavikalasi'a noxou Mosinge so u'oxone'i laixe. Ani manina, ngalingau su'ulisi'asi, ngalingau mamulosi'a uasi. Xe loxo tamitema i'osa la ngoli'a nga'osa ane. O loxo tamitema itama la ngoli'a ngatama.

Loxo tamitemaou Mosinge u'isalili se'i i'a mimi o la'ilali uasi la ngapitanu avonge so ngasu'uline'i. Xe loxo taasila ixali la ngavu'uline'i laixe. Xe aitengasinge ukisi noxi'a tamitema mukalusi.

Latilovo aloxo 'o. Nenge talavu lexe vasimenge pa'upa'usou tavu'alo. La pa'upa'usou ne anu xaixai no anu u'isa'isalili. La anu axonesi nenge Mosinge ta'olu loxo vasimolu Kalaisiti. Nenge tavu'alo musuku ia noxou la nenge vilesisi xo nenge vasimolu pa'upa'usou ane.