آيات مشهورة من الكتاب المقدس منڢِتُواْوَ 2

شارك

اللَّهْ كُوَ يَا جِ نِشٜىٰ نِشٜىٰنْسُ يَا كُمَ تُنَ دَ يَرْجٜىٰجٜىٰنِيَرْسَ دَ إِبْرَٰهِيمْ دَ إِسْحَٰڧَ دَ يَعْڧُوبَ؞ اللَّهْ يَا دُوبِے مُتَنٜىٰنْ إِسْرَٰٓءِيلَ، يَا كُوَ لُورَ دَ أَبِنْدَ يَكٜىٰ ڢَرُوَ دَسُو؞

بَايَنْ شٜىٰكَرُ دَيَوَ، سَيْ سَرْكِنْ مَصَرْ يَمُتُ؞ إِسْرَٰٓءِيلَاوَا سُكَيِ تَنِيشِ ثِكِنْ بَوْتَرْسُ، سُكَيِ كُوكَا دُواْمِنْ نٜىٰمَنْ تَيْمَكُواْ؞ كُوكَنْسُ نَنٜىٰمَنْ تَيْمَكُواْ يَا كَيْ وُرِنْ اللَّهْ؞

دَغَ بَايَ، سَعَدَّ يَرُوانْ يَيِ غِرْمَ، سَيْ تَكَيْشِ وُرِنْ یَرْ سَرْكِے ڢِرْعَوْنَ؞ يَرُوانْ كُوَ يَا ذَمَ طَنْ یَرْ سَرْكِے؞ تَا كِرَا سُونَنْسَ مُوسَٰى، تَثٜىٰ ‏«‏غَمَا نَا ثِرُواْشِ دَغَ ثِكِنْ ضُوَ؞»‏

دَ مَامَرْ تَذُواْ، سَيْ یَرْ سَرْكِے تَثٜىٰمَتَ ‏«‏كِطَوْكِ جَرِرِنَّنْ كِيِمِنِ رٜىٰنُوانْسَ، نِے كُوَ ذَنْبِيَكِ لَادَنْكِ؞»‏ سَيْ مَاتَرْ تَطَوْكِ جَرِرِنْ تَيِ رٜىٰنُوانْسَ؞

سَيْ یَرْ سَرْكِے ڢِرْعَوْنَ تَغَنْ‌غَرَ دُواْمِنْ تَيِ وَنْكَ أَ كُواْغِنْ نِلُ، یَنْ مَاتَا مَاسُيِمَتَ حِدِمَ كُوَ سُنَ يَٰوُاْ عَبَاكِنْ كُواْغِنْ؞ دَ تَغَ ݣُونْدُواْ عَثِكِنْ ثِيَوَ مَيْ ڟَيِ، سَيْ تَ عَيْكِ طَيَ دَغَ ثِكِنْ یَنْ مَاتَنَّنْ تَجٜىٰ تَطَوْكُواْ شِ؞

أَنَانً وَتَرَانَ سَعَدَّ مُوسَٰى يَيِ غِرْمَ، يَا تَڢِے وُرِنْ مُتَنٜىٰنْسَ، يَكُمَغَا يَدَّ سُكٜىٰ شَنْ وَهَلَ دَ عَيْكِنْ دُواْلٜىٰ؞ سَيْ يَغَ وَنِ مُتُمِنْ مَصَرْ يَنَ دُوكَنْ وَنِ دَغَ إِبْرَانِيَاوَا، طَيَ دَغَ ثِكِنْ یَنْعُوَنْسَ؞ سَيْ مُوسَٰى يَوَيْوَيَ يَدُوبَ نَنْ دَ ثَنْ دُواْمِنْ يَتَبَّتَرْ بَاوَنْدَ يَكٜىٰ غَنِنْسَ، سَيْ يَكَشٜىٰ مُتُمِنْ مَصَرْ طِنَّنْ، يَٻُواْيٜىٰ غَاوَرْ عَثِكِنْ يَشِ؞