Sum rôwâ mə du sum po' fur ɓa kə sum rôwâ mə du sôwâ Zuwif. Kəki məni handay kawvun ɗaw, handay ne səlay ɓayrum ne kə soje kuni, ɓay la' ne ndaya: «I də in i sum ta zə Zezu mbə kə dukri ɓay tle hura mar rum kəri məni namba wə nde sene. Ɓay toŋ nya rum la' mun dan rum si, namba də ge dan mə njeŋ rum, ɓay dan mə kəcik rum cu də ke wa ri mi.» Soje kuni ve səlay rum ɓay gi kwa rum ce' ndə məni sum rôwâ kuni in ne ndaya. Ndəna', dan rum pla' wə du sôwâ Zuwif hâ tama.