آيات مشهورة من الكتاب المقدس منJoel 2

شارك

Ond dyma neges yr ARGLWYDD: “Dydy hi ddim yn rhy hwyr. Trowch yn ôl ata i o ddifri. Ewch heb fwyd. Trowch ata i yn eich dagrau, a galaru am eich ymddygiad.

“Ar ôl hynny, bydda i’n tywallt fy Ysbryd ar y bobl i gyd. Bydd eich meibion a’ch merched yn proffwydo; bydd pobl hŷn yn cael breuddwydion, a dynion ifanc yn cael gweledigaethau.

Rhwygwch eich calonnau, yn lle dim ond rhwygo’ch dillad.” Trowch yn ôl at yr ARGLWYDD eich Duw! Mae e mor garedig a thrugarog; mor amyneddgar ac yn anhygoel o hael, a ddim yn hoffi cosbi.

Bydd pwy bynnag sy’n galw ar enw’r ARGLWYDD yn cael ei achub. Fel mae’r ARGLWYDD wedi addo: “ar Fynydd Seion, sef Jerwsalem, bydd rhai yn dianc.” Bydd rhai o’r bobl yn goroesi – pobl wedi’u galw gan yr ARGLWYDD.

Bydd yr haul yn troi’n dywyll, a’r lleuad yn mynd yn goch fel gwaed cyn i’r diwrnod mawr a dychrynllyd yna ddod, sef dydd barn yr ARGLWYDD.”