آيات مشهورة من الكتاب المقدس منMataayo 26

شارك

Mutengeeje na okumusabha Waryubha, mutakaaja okusoha mumasakyo. Omutima gureenda okwigumirirya amasakyo, nawe, mutakutura okwigumirirya okurekana na obhunyooheeru bhwenyu.”

Nho, akabhakeerya ega, “Omutima gwani gusurumbeeri bhukongʼu, okuhikira okukwa. Mwikare hanu, mutengeeje hamwi na oni.”

Akasuntara embere hakego, akeeyesa bhwibhumbike, akasabha ega, “Taata, nyoore eraturikana, ndakusabha unduusirye-ho ekikombe kya enyanko kinu! Nawe, otakora kya ego oni ndeenda, okore kya ego uuwe oreenda.”

Edivai inu ngʼyo amanyinga gaani, na okuhitira amanyinga gayo, eriragano rirakoreka. Amanyinga gaani gareetike kurusumo rwa abhantu abhaaru, naho Waryubha abhaabhire obhusarya bhwabho.

Mbe, hanú bhaaringa bhararya, Yeesu akagega omukaate, akamukumya Waryubha, akagusuunura, akabhahaana abheehigira bhaaye, akagamba ega, “Mugege murye, gunu ngo omubhiri gwani.”

Akamara akagega ekikombe kya edivai, kweki akamukumya Waryubha, akabhahaana, akagamba ega, “Munywere muyo bhonsego.

Mbe, Yeesu hanú yaahinda kubheehigira bhaaye abhasatu bharya, akabhanyoora bhareeri. Akamubhuurya Petero ega, “Bhoono, mutamirwe okutengeeja hamwi na oni kora kwa ensa eimwi ego?

Nawe ndabhakeerya ega, ntakyanywa kweki edivai inu, okuhikira orusiku runú ndinywa enhya, hamwi na bheenyu mubhukama bhwa Taata.”

Nho, Petero akahiituka amangʼana ganú Yeesu yaaringa amukeererye ega, “Eribhaga ensarigoko etararagura, wakabhe unyangiri mara kasatu.” Kimwi, akahuruka kibhara, akakuura kwa obhururu bhukongʼu.

Mwimuke, tugende. Maaha! Omuntu unú arandiira eniku aringi haangʼi.”

Nawe, Yeesu akamukeerya ega, “Hunjukya omuhyu gwaho mukyubhu, kwa okubha abhantu bhonsego bhanú bhareeta abhantu kwa omuhyu, bhonse bhariitwa kwa omuhyu!