آيات مشهورة من الكتاب المقدس منGara Worra Rooma'aa 12

شارك

Misha'aa fi ka gammachiisu muda maleessa ka ta'e'llee, fedhii Waaqaa beeku'uuf akka dandeettan sammuu keessan haaressu'uun jireenni keessan akka jijjiiramu malee, biyya lafaa kana hin fakkaatinaa.

Eegaa yaa obboleeyyan! Waaqa ka gammachiisu, jiraata'aa fi kitimaa qulqullaawome qabu taasfittanii gara qabddan mara akka dhiyeesitaniif, maqaa Waaqa dhiifama taasisa'aatiin isin ni kadhadha, kun'llee ka qajeelluma dhiyeessuun isin irraa malu qabu, dhugaalessa tajaajila Waaqaati.

Abddi'iin gammadaa, yeroo rakkinnaa titti obissaa, yeroo maraa kadhadhaa.

Kanaaf waan hamaa waan misha'aan injifadhu malee, waan hama'aan hin injifatamin.

Ufii keessan jaalala obboleeyyumma'aatiin wol jaaladhaa, ufii keessanii'llee wol kabaju'uuf wol dorgomaa

Fakkeessitummaa ka hin qabnne jaalala dhuga'aa qabaadhaa, waan hamaa jibbaa, waan mishaa horddofaa.

Ka danddeettan yoo taate nama mara woliinuu nagayaan jiraachu'uuf, gara keessaniin'llee waan isin barbaachisu maraa raawwadhaa.

Yaa obboleeyyan! Dallanissuu Waaqaaf dhiisaa malee, ufii keessan gadoo hin bayinaa, «Ka haloo bayuu fi gatii haloo'llee ka kafalu ana, jedha Gooftaan Waaqinni» jedhamee, barreeffamee jira.

uduu hin dadhabin hafuura oo'e horddofu'uun Gooftaa tajaajilaa.

Dabalee'llee tokkoon tokkoon keessan haga amantii Waaqinni isiniif kenneetiin mataa gad qabataan yaadaa malee, haga barbaachisuu olitti waayee mataa keessaniitiif ufi tuulumma'aan hin yaadinaa jedhee, kennaa isaa ka bilisaa ka naaf kennameen isinitti ni hima.

Nama mara duranatti waan mishaa ta'e raawwadhaa malee, namoonni waan hamaa yoo isin irratti raawwatan, isin'llee deebifittanii waan hamaa isaan irratti hin raawwatinaa.

Ufii keessan yaada tokkoon wolii gala'aa jiraadhaa, mataa keessan ol qabuu irra ufi tuulummaa dhabamissiisa'aatii hiyyeessotaan woliin tokkumma'aan jiraadhaa, ufii keessan beekittota ufiin hin jedhinaa.

Waayee kanaa fudhachuu irra diinni kee yoo beelaye nyaachisiin, yoo dheebote'llee obaasiin, kana yoo raawwatte ibidda saalfi'iitiin ni gubddaan.

Worra isin ari'an'llee eebbissaa, eebbisaa malee isaan hin abaarnaa. Worra gammadan woliin gammadaa, ka booyan woliin'llee booyaa.

Amanttoota obboleeyyan ta'an rakkinna isaaniitiin isaan gargaaraa, keessumumma'aan worra dhufan'llee ufitti fudhadhaa.

Qaama keenna tokko irra kutaalee baayi'eetu jira, tokkoon tokkoon kutaallee qaamaa'llee, hujii addaa ni qaba. Akkuma kana nu baayi'eewwan taanee uduma jirru Kristosiin qaama tokko, kutaalee qaama tokkoo akka ta'uu keennaatiin'llee, ufii keennaa wolitti maraaramnnee jirra.