آيات مشهورة من الكتاب المقدس منyuḥanna 12

شارك

wanna iran a‑ig zġ‑ih̬ddamn‑inu, illa fllas ad‑didi‑itmunu, yili‑uh̬ddam‑inu ġ‑innaġ lliġ nkki. d‑wanna igan ah̬ddam‑inu, rbbi baba a‑ra‑t‑yuqqr.

wanna dar tɛzza tudrt‑ns ra‑stt‑ijlu, imma wanna iṣamḥn ġ‑tudrt‑ns ġ‑ddunit‑ad ra‑ikšm s‑tudrt lli‑idumn.

lḥqq ayad, lḥqq a‑rad‑awn‑iniġ. iġ‑ur‑iḍr‑waqqa n‑irdn ġ‑wakal immt, waḥdut a‑ra‑iqama. walaynni iġ‑immut ra‑d‑yawi ṣṣabt iggutn.

uškiġ‑d ad‑gġ tifawt i‑ddunit, a‑ur‑qaman ġ‑tillas winna sri umnnin.

wanna isflidn i‑iwaliwn‑inu ur‑a‑srsn‑iskar, urd nkki a‑ra‑fllas‑iḥkam. ašku uškiġ‑d s‑ddunit ad‑jjnjmġ ddunit, urd a‑fllas‑ḥkamġ.

tnkr maryam tawi‑d yat‑tbuqqalt n‑tujjut n‑nardin iṣfan, iggut‑watig‑ns bahra. tẓġur srs iwurzan n‑yasuɛ, ar‑as‑tsfaḍ iwurzan s‑wazzar‑ns. tɛmmr‑tgmmi s‑waḍu n‑tujjut‑an.

ffuġn‑d ġakudan a‑t‑id‑mnaggarn, asin talḍayin n‑tayniwin, ar‑talln awal‑nsn ar‑ttinin: «huṣanna, ambarki a‑iga ġwad‑d‑yuškan s‑ism n‑sidi rbbi. ambarki a‑iga‑ugllid n‑ayt‑rbbi.»

isawl yasuɛ yini‑asn: «tlkm‑d tasaɛt lli‑ġ‑ra‑itmjjd yus n‑bnadm.