آيات مشهورة من الكتاب المقدس منरोमियों 10

شارك

यद्याँ थूँ आपणाँ मुण्डाऊँ केवे, “ईसू परबू हे,” अन आपणाँ मन में ओ विस्वास करे के, परमेसर वींने मरिया तकाऊँ जीवतो किदो हे, तो थूँ बंचायो जाई।

काँके आपणाँ मन का विस्वासऊँ मनक धरमी बणायो जावे हे अन खुद का मुण्डाऊँ वींका विस्वास ने मानबाऊँ, वो बंचायो जावे हे।

हूणबाऊँ विस्वास आवे हे अन हूणणो मसी का बचनाऊँ वेवे हे।

सास्तर केवे हे के, “ज्यो कुई भी वींमें विस्वास करे हे, वींने लाजा ने मरणो पड़ी।” यहूदी मनकाँ में अन ज्यो यहूदी ने हे वाँ मनकाँ में कई फरक ने हे, काँके वीं हाराई को एकीस परबू हे। अन वींकी मान दया वाँ हाराई वाते हे ज्यो वींको नाम लेवे हे। काँके, “ज्यो भी परबू को नाम लेवे हे, वो बंचायो जाई।”

अन हुणाबावाळा ने खन्दावाँ, तो वीं कस्यान हुणा सकी? जस्यान के सास्तर में लिक्यो हे, “हव हमच्यार हुणाबावाळा का पग करता हुवावणा हे।”

पण ज्यो वींपे विस्वास ने करे, वीं वींको नाम कस्यान लेई? अन जणा वींके बारा में हुण्यो भी ने हे, वीं वींपे विस्वास कस्यान करी? अन जद्याँ तईं वाँने कुई उपदेस देबावाळो ने वेवे तो वीं कस्यान हुण सकी?

मसी नेमा को अंत हे, ताँके ज्यो भी विस्वास करी, वीं हाराई परमेसर का वाते खरा बणे।