آيات مشهورة من الكتاب المقدس منरोमियों 1

شارك

मूँ हव-हमच्यारऊँ ने हरमऊँ हूँ, काँके यो विस्वास करबावाळा हाराई मनकाँ ने बंचाबा का वाते परमेसर की तागत हे, पेल्याँ यहूदियाँ ने अन पछे ज्यो यहूदी ने हे वाँने।

काँके हव हमच्यार बतावे हे के, परमेसर मनकाँ ने कस्यान आपणाँ वाते सई करे हे। ओ सरुवातऊँ लेन आकरी तईं विस्वास पे टक्यो तको रेवे हे। जस्यान के पुवितर सास्तर में लिक्यो तको हे के, “विस्वासऊँ धरमी मनक जीवतो रेई।”

काँके जद्याँ परमेसर ईं जग ने बणायो हो, तद्याँऊँ वाँका ने दिकबावाळा गुण मतलब अनंत सगती अन परमेसर का हभाव देक्या जावे हे, परमेसर ज्यो कई बणायो हे वणा चिजाँऊँ वीं परमेसर ने साप साप जाणे हे। ताँके मनकाँ का नके कई आळको ने वेवे।

परमेसर ने जाणता तका भी वणा वाँको आदर-मान ने किदो, अन ने वींने धन्नेवाद दिदो। वाँकी होच-हमज बेकार वेगी अन वाँका बना अकल को मन अंदकारऊँ भरग्यो हे।

वणा परमेसर का हाँच ने जूट में बदल दिदो अन वीं दनियाँ बणाबावाळा ने छोड़न वाँका आड़ीऊँ बणी तकी चिजाँ की आरादना अन सेवा करबा लागग्या। दनियाँ बणाबावाळा की मेमा हमेस्यान वेती रेवे। आमीन।

परमेसर की रीस हरगऊँ वणा मनकाँ का हरेक पाप अन बुरई का हामे परगट वेवे हे, जीं हाँच ने बुरईऊँ दबान राके हे।

ईं वजेऊँ परमेसर वाँने वाँके हरमऊँ भरी बुरी मरजी में छोड़ दिदा। अन अटा तईं के, वणा की लुगायाँ भी आपणाँ धणी का हाते कुदरती वेवार छोड़न अकुदरती वेवार राकबा लागगी। अन अस्यान मनक भी आपणी लुगायाँ ने छोड़न एक दूजाँ मनक का हाते अकुदरती वेवार करबा का वाते तड़परिया हे। अन मनक भी मनकाँ का हाते हूँगला काम करन आपणाँ बुरा करमा को फळ पाबा लागा। वणा मनकाँ परमेसर का ग्यान ने ओळकणो किमती ने हमज्या, ईं वाते परमेसर भी वाँने वाँकी फालतू मरजी का जस्यान छोड़ दिदा। अन वीं हूँगला काम करबा लागग्या, ज्याँने करणा सई ने हे।

वीं खुद ने हमजदार बतान मुरक बणग्या। अन वणा नास ने वेबावाळा परमेसर की मेमा ने नास वेबावाळा मनकाँ की, उड़बावाळा जनावर की, रेंगन चालबावाळा जनावराँ की अन ढान्ढा-ढोर की मूरत्याँ में बदल दिदी।