آيات مشهورة من الكتاب المقدس من2 कुरिन्थियों 4

شارك

ज्यो कई दुक दिके हे वींने आपणी आक्याँ ने देके हे, पण वाँ चिजाँ दिके कोनी, वीं देके हे। काँके ज्यो चिजाँ दिके हे, वाँको नास वे जाई, पण ज्यो ने देके, वीं अमर रेई।

जद्याँ के आपाँ देह कमजोर वेती जारी हे, तद्याँ भी आपाँ निरास ने वेवा हाँ काँके आपणी अंतर-आत्मा नुवी वेती जारी हे। काँके ओ थोड़ाक दनाँ को दुक आपणाँ वाते जुग-जुग का वाते मेमा लेन आई, ज्या ईं दकऊँ घणी मोटी हे।

आपाँ च्यारूँमेरऊँ कळेस तो भोगरिया हाँ, पण गुन्दयाँ ने जावाँ, आपाँ घबराया तका तो हाँ पण आस ने तोड़ा। आपाँने हताया तो जावे हे, पण तद्याँ भी त्याग्या ने जावा हाँ, आपाँने रेटे नाक दिदा हाँ, पण आपणो नास ने व्यो।

अन आपणाँ जस्यान का गारा का कळा में ओ अनोको खजानो राक मेल्यो हे के, आ मोटी सगती आपणी ने हे, पण परमेसर की हे।

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

काँके परमेसर क्यो हो के, “अन्दारा में उजितो चमकी” अन वोईस आपणाँ हरदा में चमक्यो हे, जणीऊँ आपाँने ईसू मसीऊँ परमेसर की मेमा का वाते ग्यान को उजितो मल सके।