آيات مشهورة من الكتاب المقدس منलूका 10

شارك

अर सुणो, म थानै साँप अर बिछूआनै एडी तळै मसळबा अर बेरी सेतान की सगळी सक्‍तिनै थारै बस म करूँ। थारो कोई क्युंई कोनी बिगाड़ सकै।

जणा परबु बोल्यो, “मारथा सुण तू बोळी बातानै सोचै ह अर बाकी चिंत्या करै ह। पण बस एक बात की जुर्त होवै ह। अर मरीयम जखो चोखो ह, बिनै आप ताँई टाळी ह अर बो बिऊँ खोस्यो कोनी जावै।”

बो बोल्यो, “तू परबु थारा परमेसरऊँ सगळा हिया अर सगळा पिराण सगळी ज्यान अर सगळा मनऊँ प्यार-परेम कर। अर सागैई खुदका पड़ोसीऊँ बी खुदकी जंय्यां प्यार कर।”

अर बो बानै बोल्यो, “लावणी आएड़ा खेत तो बोळा हीं पण ध्यानग्या थोड़ा हीं। इ ताँई थे खेत का धणी परमेसरऊँ अरदास करो जिऊँ बे लावणी करबा ताँई ध्यानग्यानै भेजै।

ईसु अंय्यां बतार बिऊँ बुज्यो, “तेरा बिचारऊँ जिनै डाकू ठोक्या बि आदमी को बा तीन्या मऊँ पाड़ोसी कूण होयो?” जणा बो सास्तरानै सीखाबाळो बोल्यो, “जखो बिपै दया करी।” जणा ईसु बोल्यो, “जा अर तूबी बंय्‍यांई कर।”

जाओ, पण ध्यान रेह्‍वै म थानै ल्याळ्या क मांयनै उन्या की जंय्यां भेजर्यो हूँ।