آيات مشهورة من الكتاب المقدس منമർക്കോശ് 6

شارك

കൊള്ള ആള്കള് വന്തും പിയ്യും ഇര്ന്നാര് ആണ ഏശുവ്ക്കും ശിശിയൻമാര്ക്കും ശാപ്പാട് തിന്‌വാൻ പോലും നേരം കിട്ടീല; ഏശു ശിശിയൻമാരോട, “നിങ്ങ വേൻ നമ്മ്ക്ക് ഒരത്തനം ഇല്ലാത്ത താവീല് പിയ്യ് ഇത്ത്റിനേരം മെല്ലിര്പ്പോള്” ഇന്റ് പേശിയാൻ.

ഏശു അവങ്ങളോട പേശിയാൻ: ഒര വ്‌ലാത്തി അവന്റ ശൊന്തം നാട്ടീലും വീട്ടീലും അവന്റ ആള്കള നെട്വ്ക്കും മാട്ട്ക്ക്മാണും വെക്‌മാനിക്കപ്പെടാത്ത്ത്; ഇന്റെ വേറ പൂര താവീലും വെക്‌മാനിക്കപ്പെടും.

ഏശു വെഞ്ചിയില് നെന്റ് കരക്കി എറങ്ങിയപ്പൻ ഒര വിട്ട ആള്പ്പടയിന കണ്ടാൻ; അവങ്ങ പാപ്പാനിക്കി ആളില്ലാത്ത ആട്കളപ്പേല നെന്റത് കണ്ട് അവന്ക്ക് അവങ്ങളോട മനനോവ് വന്ത്ത്; ഏശു പല കാരിയങ്ങളും അവങ്ങള പടിപ്പിച്ചാൻ.

അവ്ങ്ങ്ക്ക് നമ്പ് ഇല്ലാത്തത്കൊണ്ട് ചെല ചീക്ക്കാറ തേകത്തീല് കെയ്യ് വെച്ച് ശൊകപ്പെട്ത്തിയത് ഇല്ലാണ്ടി അവട വേറ അത്‌ശക കാരിയങ്ങള് ഒന്റും ചെയ്‌വാൻ അവന്ക്ക് നോക്കണ്ടാഞ്ഞ്ത്. അവ്ങ്ങ്ക്ക് നമ്പില്ലാത്തത് കൊണ്ട് അവൻ അത്‌ശകപ്പെട്ടാൻ. അത്കെയിഞ്ഞ് ഏശു ചിറ്റും ഒള്ള കുടികളീലൊക്ക നടന്ന് ആള്കള പടിപ്പിച്ചാൻ.

ഏശു അയ്യ അഞ്ച് അടയം റണ്ട് മീനും എട്ത്ത് മേലോകത്ത്ക്ക് പാത്ത് നന്നി പേശി അട മുറിച്ച് ആള്കള്ക്ക് കൊടപ്പാൻ ശിശിയൻമാരോട പേശിയാൻ; അയ്യ അഞ്ചടയും റണ്ട് മീനും അവ്ങ്ങ്ക്ക് പങ്കി ഇട്ട് കൊടത്താൻ. ഒക്കളം തിന്റ് മതിയാക്കിയാര്. മീതി വന്ത അടനൊറ്ക്ക്കളും മീൻ നൊറ്ക്ക്കളും ശിശിയൻമാര് പന്തറണ്ട് കുട്ട കൂമ്പിയെടത്താര്.