آيات مشهورة من الكتاب المقدس منShitatiko 24

شارك

Niho alombelele ngayi, “Obe Nyambi ya Ngula, Nyambi ya hekulyami Abulahama, nikukunyepa ngayi ntandalishe lelo na ku monesha nceshe zobe za mwaya myaka kuli hekulyami ha kulama shikulupisho shobe kukwendi.

Nikamba kuli umo wabo ngayi, ‘Tula taha ntesho yobe hanci, umpeko mema ninwe.’ Ndi ukwamba ngayi, ‘Nwamo, pe nikanwisha makamela wenu kami,’ ou mwanga enge niye unahatili ndungo yobe Ishaki. Ndi eshe shiku moneka nikalimuka ngayi unamoneshe nceshe zobe kuli hekulyami.”

Niho Ishaki wengizile Lambeka mu ntanda muya ekalilenga Shala mandiyendi kwinga mukazendi. Wahakile lambeka, nohobene wabengezekiwile ha kufwa kwa mandiyendi.

Pe batandalishile Lambeka na mazu awa ngayi, “Obe mpanzetu, mwanga winge manda makulukazi a makulukazi. Bazukulyobe mwanga batambule zinkena za bamalamo babo.”

Nikushinga unkulupishe na mbeza kuli Nyambi ya Ngula, Nyambi wa muyilu na hanci, ngayi ukabule kuyekela mwanami mbuyama wa litunga lino lya Kenaani. Uku fwanina kuboka ku litunga lyami, mukati ka bawushinda wami na kuyekelako mwanami Ishaki mbuyama.”