آيات مشهورة من الكتاب المقدس منMARKUSI 2

شارك

Ti Isa loo̒dungohe yiyintu limongolio boito, tulusi lolametao̒, “Taa seehati diila momalalu dokuteli; bo taa u mongongoto. Wau̒ dungga-dungga mai diila mai motianga totaa hipo nganggapua batangalio malo piohu, bo tahe anggapuolo hina.”

Tou̒ ti Isa lomiloheo̒ malo odito udaa̒ iimani limongolio, Tio lotahuda mao̒ ode tadidu mowali monao̒ boito, “Walau̒u-U̒, duduusaamu maa ilambungu.”

Lapatao̒ ti Isa luli lotahuda mao̒, “Dulahu Saabati pilohutu duo̒lo manusia; diila manusia duo̒lo dulahu Saabati.

Bo sababu tau mailaba huntualio, timongolio diila lowali lohimbideo̒ o-Lio. Oditolio, timongolio malo longgala watopo pasipasi toitaato tambati ti Isa woluo. Lapatao̒ uito, timongolio malo polaahe mola tadidu mowali monao̒ boito wolo amongio.

Bo botia Wau̒ mamopo bukuti mai olemu deu̒ tutuulio tutu toitaato dunia botie Walao̒ Manusia okawasa mongambungu dusa.” Lapatao̒ ti Isa lotahuda mao̒ to tadidu mowali monao̒ boito, “Bongulo, bintaa̒lo amongumu wau pohualingolo!”

Toonu ulebe gambangi; molanggula, ‘Duduusaamu maa ilambungu,’ meaalo molanggula ‘Bongulo, bintaa̒lo amongumu wau ponao̒lo’?

Tio malobongu wau hua̒a lohama amongio lapatao̒ yilumualao̒ silakusia limongolio ngoa̒amila. Tau-tauwala boito hilinggolabe tulusi lomuji mola Allahu Taa̒ala. Uali mongolio, “Diipo pee̒enta mao̒ ito heloo̒onto ulotoduo mai debo odelo utie!”