آيات مشهورة من الكتاب المقدس منMARKUSI 13

شارك

Timongoli malonuo̒ lotaa ngoa̒amila sababu timongoli muri-U̒. Bo tamoo̒ tahangi demola pulitio, mapo aahuwolo.”

Oditolio timongoli musi mopoo̒ daha-dahaalo mao̒ wau eelailo mola, sababu diila otaawa limongoli omolua wakutuulio.

Wau wonu timongoli wau̒polio wau deloolio ode bubutoo̒, diila mao̒ polawalo pasali wolo umusi loi̒ya limongoli. Wonu malei dungga wakutuulio u mobisala, loi̒yaalo mao̒ wolo u poo̒taa-U̒ mai olimongoli to wakutuulio. Sababu loi̒ya u malapalia mao̒ limongoli diila loi̒yamu lohihilao bo monto Rohullah wambao̒.

Hulungo wau dunia mamooli, bo tahuda-U̒ debo ohiheo-hiheolo mao̒.”

“Eleponu odito, diaaluo penu boli ngotaa mao̒ tamotota omolua dulahio meaalo omolua jamulio. Mamaa-lai̒katiyalo tosologa diila motota boli Walao̒ olo diila motota, bo wambao̒ Allahu Taa̒ala tamotota.

Wonu timongoli moo̒dungohe titii-ngoheyalo lo polotuhua wau hahaa-baliyaalo lo popaatea, diila mao̒ oohe. Susuu-aliyaalo boito musi motoduo mai, bo uito diila boliilio deu̒ malei dungga wakutuulio lou̒ kiama.

Sababu uito timongoli musi mopoo̒daha-dahaalo mao̒, sababu diila otaawa limongoli omolua taa ohuu̒wo lobele boito mamuli mohualingai – mowaliilio tou̒ lolaango, mowaliilio to tomutaa̒ lou̒ hui, mowaliilio tou̒ molaliyonu, meaalo mowaliilio tou̒ mato lodulahu mobutu mai. Wonu tio debolo meidunggalo mai, diila bolo tio moo̒dungga olimongoli donggo hituluhe. Wolo upilo tahuda-U̒ mai olemu botie, potahuda-U̒ olo ode taa ngoa̒amila; poo̒daha-dahaalo mao̒!”

Bangusa tuwau mamo paatea moluwali bangusa wewo. Lipu tuwau mamo lambata lipu uwewo. Boli tou̒toonu mamotoduo liluhu wau polobiti. Ngoa̒amilalo boito boheli tumulio wambao̒, debo odelo ngongoto u olaasawa lotaabua ngota tamo tohilaa motutu.

Habari Mopiohe monto Allahu Taa̒ala boito musi popo loladupo meimulo ode ngoa̒amila bangusa.

Ngohuntua tamamonao̒ mai lou̒ momake tanggulu-U̒ wau moloi̒ya, ‘Wau̒lo Tio!’ tulusi mohimbulo totaa dadaata.

Timongoli musi mopoo̒daha-dahaalo mao̒, sababu timongoli mawau̒polio, wau dedeo̒lio ode mamaa-hakamawalo. Timongoli mapateelio to bebee-leyaalo potabiaalo. Timongoli madeloolio mota motaalua wolo tahi kawasawa wau mongo olongia sababu timongoli muri-U̒. Wau ui-uitolo hiyangi mongoli mongohi sakusi pasali-U̒ ode limongolio.

Sababu tahi poa̒ahua paluti wau mongo nabi paluti mamei dungga mai. Timongolio mamo kalaja mai huhuu-tuwaalo upolu-polutuo̒ wau momoo̒-linggolabeyalo u mohimbulo wonu potala mowali, umati lo Allahu Taa̒ala olo.

“Lapatio mao̒ lou̒ suusa boito, mato lodulahu mamowali modio̒lomai, wau hulalo diilalo motinelo. Popoo-liyamalo mamo biihuto monto hulungo, wau tahi kawasawa todulente daa̒ toitaato mamowali ambulati daa̒.