آيات مشهورة من الكتاب المقدس منMATIUSI 7

شارك

“Pohile, yi timongoli mamo olimo. Pololohu, yi timongoli mamoo̒tapu. Pongokoo̒, yi huhebu mahuo̒walio olemu.

Sababu taa u mohile mamololimo; taa u mololohu mamoo̒tapu; wau taa u mongokoo̒, mahuo̒walio to huhebu.

“Naa, taa u modungohe tahuda-U̒ botie, wau modudua̒ao̒, tutuuwauwa debo odelo taa molinepo momongu belelio toitaato botu.

Pohutua mao̒ taawewo debo odelo u otohilaa limongoli u pohutuo mai limongolio. Ui-uitolo bungo lo butoe̒e Musa wau pongaajali lomongo nabi.”

Bo meepito wau mototolo huhebu wau dalalo u modelo tau ode tutumulo. Wau bo ngoi̒di taa u moo̒tapu mao̒.”

“Tuwotolo moli huhebu u meepito, sababu huhebu wau dalalo udulu-ulunga ode nalaka udaa̒ wau motanggalo, wau dadaata tau molibaya mao̒.

Penu boli timongoli moleeto, timongoli debo motota olo mongohi mao̒ u mopiohe ode mongo walai̒ mongoli. Tidiyolo mao̒ Allahu Taa̒ala limongoli tosologa! Eeya lebe mao̒ leeto mamongohi mai u opiohe totaa u mohile mola to Eeya.

“Diila mao̒ pomutoo̒ taa wewo, alihu timongoli lohihilao olo diila butoo̒ lo Allahu Taa̒ala. Sababu woloololio mola timongoli momutoo̒ taawewo, odito olo Allahu Taa̒ala momutoa̒i olimongoli. Wau tuuu̒du u pomake limongoli ode taawewo, mapomake lo Allahu Taa̒ala olo ode limongoli.

Wau taa u modungohe tahuda-U̒ botie, bo diila modudua̒ao̒, tio tutuuwauwa debo odelo taa mohulodu momongu belelio to hungayo.

Yilongola timongoli moo̒onto pulingo ayu todelomo mato lo wutatumu, hiambola balaki todelomo matomu lohihilao diila poo̒tuoti mongoli? Woloolo mola timongoli mowali moloi̒ya mao̒ to wutatumu, ‘Dulo mainggilou̒ mai pulingo ayu todelomo matomu’, hiambola todelomo matomu lohihilao obaalaki?

“Poo̒daha-dahaalo mao̒ tomongo nabi paluti. Timongolio monao̒ mai ode limongoli motihutu debo odelo himba, bo tutuulio tutu timongolio debo odelo saligala mongantau. Timongoli mamoo̒onuhe olimongolio monto huhutu limongolio. Diu̒to u oduhi diila mongohi mai hungo lo angguru wau diu̒to u oduhi diila mongohi mai hungo lo ar.

Monto bungo lo ayu u molomiodu poo̒tapulalo hungo u mopiohe, wau monto bungo lo ayu udiila molomiodu hungo u moleeto.

Bungo lo ayu u molomiodu diila moo̒wohi hungo u moleeto, wau bungo lo ayu udiila molomiodu diila moo̒wohi hungo u mopiohe.

Timii̒du bungo lo ayu udiila moo̒wohi hungo u mopiohe, luwodulo wau pobuwolo.