آيات مشهورة من الكتاب المقدس منMATIUSI 24

شارك

U moleeto mamoloo̒po boli tou̒toonu odito hebatilio tilinggula dadaata taa diilalo mototoolia̒nga. Bo tamoo̒ tahangi demola pulitio, mapo aahuwolo.

Wau Habari Mopiohe pasali lou̒ woloolo mola Allahu Taa̒ala momalenta mapo habariyolo to ngoilanggubu dunia, alihu ngoa̒amila tau mamoo̒ dungoheo̒. Lapatao̒ uito deu̒ito meidungga mai kiama.”

Timongoli mamoo̒ dungohe titii-ngoheyalo polotuuhua wau hahaa-baliyaalo lopopaatea, bo diila mao̒ oohe. Sababu susuu-aliyaalo boito musi motoduo mai, bo uito diila oboliilio deu̒ mawakutuulio kiama.

Bangusa u tuwau mamopaatea moluwali bangusa uwewo, wau lipu u tuwau mamoluhu lipu uwewo. Boli tou̒toonu mao̒dungga lo polobiti wau liluhu. Ngoa̒amilalo boito boheli bohulio, debo odelo ngongoto u olaasawa lo taabua ngota tou̒ tio mamotutu mai.

Hulungo wau dunia mamooli, bo tahuda-U̒ debo ohiheo-hiheolo mao̒.”

Sababu ngohuntua tau mamonao̒ mai lou̒ momake tanggulu-U̒ wau moloi̒ya, ‘Wau̒lo Olongia Tamoo-poa̒ahua!’ Timongolio mamongakali totaa dadaata.

Lapatao̒ timongoli mawau̒polio wau wuduwolio u sikisaalo wau pateelio mate-mateelo mao̒. Ngoilanggubu dunia mamo lonui̒ mongoli sababu timongoli muri-U̒. Tou̒ boito ngohuntua tau momaahe iimani, wau mohiyanati wau mololoonua̒ ngota-timongota. Dadaata mongo nabi paaluti malumenetai, wau mamo ngaakali taa dadaata.

Ti Isa lolametao̒, “Poo̒dahai mao̒, diila bolo o aakalialio timongoli.

Sababu uito, timongoli olo musi mopoo̒daha-dahaalo mao̒. Sababu Walao̒ Manusia mamei dungga mai tosaaa̒ti udiila helantobu limongoli.”

Oditolio, poo̒dahailo mao̒, sababu diila otaawa limongoli omolua Eeya limongoli mamei dungga.

“Diaaluo tamotota omolua dulahio wau jamulio, mamaa-lai̒katiyalo tosologa olo diila motota, Walao̒ Allahu Taa̒ala olo diila, bo wambao̒ Allahu Taa̒ala tamotota.

Sababu malumenetai tahi poa̒ahua paaluti wau mongo nabi paluti. Timongolio mamokalaja mao̒ totoonulalo huhutu upolu-pulutuo̒ wau momoo̒o-linggolabewalo, wonu mowali, umati lo Allahu Taa̒ala olo.

Wonu bolo Walao̒ Manusia demei dungga, owowoluwoalio debo odelo tomaasa lei Noho tou̒ muloololio mai. To duduu-laheyaalo tou̒ diipo taluhee daa̒ boito tau-tauwalo hipolamela hipongiluma, wau hiponikawa. Odi-odieelo mola mololaalaaita tunggula todulahee tei Noho tilumuwoto ode delomo kapali. Tou̒ taluhee daa̒ boito helo lemba olimongolio ngoa̒amila, deu̒ito timongolio longalati wolo udonggo todutoduo. Odi-odieelo mola olo owowoluwoalio de wonu Walao̒ Manusia meidungga mai.