آيات مشهورة من الكتاب المقدس منMatiu 1

Maria ina moánáka hadua ánángkóiꞌ tobaleilo, hai Ánángkóiꞌ iti ina nuhangaꞌ ‘Iesu’, láwiꞌ Ia to ina mohómpóki taunáNa hangko i huku dósáraꞌ.”

“Hadua ánáꞌntawine ina káláꞌeá hai moánáka hadua ánángkóiꞌ tobaleilo. Ánángkóiꞌ iti ina rahangaꞌ Imanueꞌ.” Lempóna, “Pueꞌ Ala mamporángákeꞌ.”

Tangaꞌna Iusupu mampepekiri, ia letaꞌ. I kaletaꞌna iti, mampaturuá. Ia moita hadua malaꞌekana Pueꞌ to mohángáꞌá, “Iusupu, pemuleꞌána Datu Daudiꞌ! Ineeꞌkoꞌ malááꞌ moala Maria mewaliꞌ toinámu, láwiꞌ Ánángkóiꞌ iti nakákáláꞌeánga ánti kuasaꞌna Inao to Magasaꞌ.

Deꞌe miꞌi daritakáná karapoánákana Iesu Kerisitu, Datu Topehómpóꞌ. Tempóna Maria ináNa nakaróhói ngkóráꞌ hai hadua tobaleilo to rahangaꞌ Iusupu, agáiáná hangko tiꞌara maniheꞌ mohamboko, ambiꞌna miꞌi Maria káláꞌeá, hai kakáláꞌeána iti ánti kuasaꞌna Inao to Magasaꞌ. Iusupu iti tauna to manótó laluna, onoꞌ miꞌi haneꞌi nauliꞌ i laluna, “Ina kupogááka ngkániiꞌ-niiꞌ Maria,” láwiꞌ tiꞌara naundeꞌ mopakahiliá Maria.