آيات مشهورة من الكتاب المقدس منJosué 10

شارك

Ja̧danö, jawo̧ma jobe bakwenanda 'yö̧könö ö̧linobe, ja̧danö yö̧te jawo̧ma kwebachökönö ö̧linobe, israel jojodöma tjöpöjojodönö tjujuluwenanö baibanö. Ja̧ baledina wenema, Jaser iwȩyudina'yenö laebobe, baikwö: —Jawo̧ma mölejȩ ja'ö 'yö̧könö bakwenada ölinobe, juluwanö meajökönö, ja̧danö bakwöta möle jenanö, jobe ö̧linobe jawo̧ma, —jö̧ba̧lö laebobe.

Ja̧danö, ju'wibi baledinobe ja̧ möle, Isabenö Jo̧ israel jojodö amorreo jojodönö tjujuluwobö pjaatina mölema. Ja̧ möle ju'wedö israel jojodö tja̧ja̧kwonö, Josuema Isabenö Jo̧nö aebinobe, —Jawo̧ma meajökönö Gabaon wame ö̧jobö chösöda, ja̧danö yöte jawo̧ma Ajalon wabeko wame kwebachökönö ö̧jobö chösöda, —jö̧ba̧lö aebinobe.

Ja̧ mölejaye, la'akatjöda baledinokobe, jemi abönödabi, jemi ikenabi. Ja̧ möleda Isabenö Jo̧ma jojo aebi̧ a̧ja̧kwö, jawo̧ 'yö̧könö ö̧lobö weinobe, Isabenö Jo̧ma isabenö israel jojodönö pjabatö ölakwabikwawö ö̧jinobetjö̧.

Ja̧danö, Isabenö Jo̧ma Josuenö yöawinobe, —Josue, jobadö amorreo jojodö ölakwabikwawa jojodönö yekaboko. Jau Josue, isabenö jobadönö kwujuluwobö chiyajabe, jo̧kwajabetjö jobadötjö bakwo̧bi kwöba a'o ö̧joböma jwiakobe, isabenö okobe deinö jobadönö kwujuluwakobe, —jö̧ba̧lö.

Josuema jobadö israel jojodötjö luwedönö yöawinobe, —Isabenö döpöjojodönö yekabiduwobö jwiobe, –Ökwödö israel jojodöwe, dujuluwobö jwiobe, –jö̧ba̧lö. Isabenö yötawaduwakwö chömöledö, bidönö kwujuluwaduwaja̧danö, okobe deinö kwöpöjojodönö kwujuluwaduwobö pjaatakwo̧ Isabenö Jo̧ma, döpöjojodökwö kwölakwabikwawaduwenama, —jö̧ba̧lö yöa̧linobe Josuema.