آيات مشهورة من الكتاب المقدس منJob 11

شارك

—Jau Job, isabenö yötawaja̧ otiwanö kwa̧ja̧kwitjö̧ma, isabenö otiwanö wene jwiinö kwö̧jakwo̧ja, –Isabenö Dios pjaatökwesa, –jö̧ba̧lö. Isabenö otiwanö pjaatobetjö̧, wene jwiinö kwotidaja̧tjö̧ kwö'wachena.

—Isabenö sulabenö kwomukwati̧ kabatibö, kwöbalewacho Job, ja̧danö balewachajo̧, Diosnö akebo. Sulabenö ja̧köbi̧ kakatibo Job, ja̧danö ju'wedö kwejunö ju̧kwadöbi sulabenö ja̧tjoböma weköboko. Jejenö yöta̧laja̧danö otiwanö ja̧köbitjö̧ma, tabakwökönö kwa̧la̧ibobö jȩna Job, ja̧danö isabenö yebabökönö, 'diinö kwö̧jobö jȩna.

—Jau Job, yötawaja̧danö ja̧köbitjö̧ma, isabenö otiwanö kwö̧jakwo̧ja, babe usula kwemawi̧ jawa kwo̧'wo jwiköbenanö baibanö. Kwöwaisa, juluwanö tjo̧'wo jwibibadö jojodöma, tjöba a'o ojwe isuwajobuma, jö̧tö? Ökwö usula kwemawi̧bi ja̧danö, jwiinö otiwanö kwö̧jakobetjö̧, juluwanö kwo̧'wo jwikibakwo̧ja, babe usula kwemawi̧ma. —Jau Job, isabenö otiwanö kwö̧jakwo̧ja, baikwö wanedö yötawa: Jawo̧ jweinö ö̧jena dewi̧tjö bajalekwönönö otiwanö dewemi kwö̧jakwo̧ja, la'akatjöda yȩa'wo kwöjökakwo̧ja, baikwö yöta̧la, kwö̧ji̧ yȩi̧ma, sule yȩayi̧ yȩi̧danö yȩena, ja'yubeda yȩena, isabenö otiwanö kwö̧jakobetjö̧.