آيات مشهورة من الكتاب المقدس منJueces 16

شارك

Jemi ikenama jwobö kaatenama, yemidanö Sansonnö jwöjeba̧linobe, —¡Sanson, filisteo jojodö ökwönö metjibobe! —jö̧ba̧lö. Ja̧danö wiluenama, wajwiinobe Sansonma, Isabenö Jo̧ jo̧ba ö̧jelö laebaja̧ma, ja̧danö omukwatinobe, —Ajayinö a̧la̧ibö a̧la̧chi'bo 'döbekwö lotinadanö, yemidanö wene jwiinö latebocha, —jö̧ba̧lö, jo̧kwaijayonö waekwinobe.

Ja̧danö, Sansonma Isabenö Jo̧nö aebinobe, —Chuluwo̧ Isabenö Jo̧ Dios, yemidanö ötjönö kwomukwatibobö atebakwö, sule bakwötanöda chujuluwachibanö pjakatobö atebakwö. Jau chuluwo̧, bidö filisteo jojodöma sulabenö chöbajalebiya kelebö lotjinobe, ja̧danö jejenö ja̧tji̧tjö̧, balekwa mikwa babe jobadönö chujuluwinö pjakatobö atebakwö, —jö̧ba̧lö aebinobe.

Ja̧danö bajaliyanö jweinö yöawinobe Sansonma Dalilanö, —Ötjöma Dios wei̧ chotidobö 'da̧batö ujuninökwesa, nazareo jojo batibanö. Chojo'do metu'wo jö̧jinemi baikwö bajalenö, nazareo jojo batibanö 'da̧batö ujuninökwesa, ja̧danö jejenö 'da̧batö ujuninökwechobetjö̧, chöwö'ye la'akatjöda 'witjekwökökwesa, nazareobedö tjöwö'ye 'witjobö jwiobetjö̧. Jo̧kwajabetjö̧, chöwö'ye jwobö lotjitjö̧ma, isabenö chujulu jwiamachena, ja̧danö sule ju'wedö jojodö tjujuluwi̧danöda chujuluwena, —jö̧ba̧lö yöawinobe.

Kabatökönö mölekwena jejenö jö̧ba̧lö yöja̧linobe, isabenö ile 'di̧kebitjö̧ma yökawena jö̧ba̧lö. Kabatökönö ajeba̧linobe, —Nöinö ajeba̧litjö̧ ö'wö batibena, —jö̧ba̧lö öpöjödachibinö jö̧a̧lenanö.

Ja̧danö, —Bidö filisteo jojodökwö bakobe ö'wö batibobö webitjö, —jö̧ba̧lö Diosnö aebinobe, ja̧danö abebajo̧ 'diinö jiinobe, okobe jwiinö ujulunö. Ja̧danö, ö'weje okwi'iju 'dainobe, ja̧danö okobe jwiinö o̧do meinobe, filisteo jojodötjö luwedönöbi, ju'wedö jobe ju̧kwadö filisteo jojodönöbi. Jejenö ba̧jȩkwadönö kwabö loinobe Sansonma, ina 'ya̧alayi kwabawö loinawö̧tjö bajalekwönönö, ja̧ mölȩ ba̧jȩkwadönö kwabö loinobe Sansonma, bakobe jobadökwö ö'wö baibenama.