آيات مشهورة من الكتاب المقدس من2 Reyes 4

شارك

Yöja̧lökwe, —Dakwö pjatatobö kwösödobeda? Yöbawitjö, kwejunö taji kwujuna̧lobeda? —jö̧ba̧lö abebö a̧ja̧kwinobe Eliseoma. Abebö a̧ja̧kwoko, —Ötjö kwömöayujuma, chejutjö jwibujusa, sule o̧tesa̧yu bakwayuda junalujusa, ju'wima jwiobe, —jö̧ba̧lö jatadinobe.

Ju'wi möle, Dios yöawi̧ yöbawadötjö̧ bakwo̧ wobö ujunibinokoma Eliseo öba a'o ichibö budekwö yöja̧linobe: —Chuluwo̧ Eliseo, kwömöayo̧bina chilekweminema ökwö kwöwaisinökwe, Isabenö Jo̧ Diosnö isabenö yebabinö ösödina jö̧ba̧lö, jö̧tö? Ina 'yaalayi, jelo̧nö umusidinobe chilekweminema, ja̧danö dumusidina dimidiökökwe, umusidinökwema chitji̧mu du̧ju̧tajanö 'döbebö ichakobe, iteda ömöayedö batjibakobetjö̧, —jö̧ba̧lö.

Yöjawökwe, weinobe: —Kwejutjö labebö, okobe deinö kwipjeanö ju̧kwadönö akebo, i̧sa̧yu jwiayu̧ tjöbalewobö. Ja'yubema kwisakwoko, ba̧jȩkwa'oyu kwisakwo.

Ikenama, ökwöbi kwitji̧mubi kweju okwa tebachö, apjude kwutumato. Ikenama, kwiteayu o̧tȩsa̧yutjö, ba̧kwayu̧kwena kwipe'o. Bakwayu su̧'me baibenama, wainö kwujuno, ja̧danö wainö junaju, jeleyunö kwipe'o, okobe jwiinö su̧'be baibenanö kabatö, —jö̧ba̧lö weinobe.

Ja̧danö, okobe jwiinö su̧'bȩ baibenama, ju'wi oyu jitji̧ ichejebobö wejinobe. Wejökwe, —Jwia, —jö̧ba̧lö atadinobe. Ja̧danö jenada bajalianö 'dö̧ibajinobe o̧tesa̧yuma.

Kabataju, Dios yöawi̧ yöbawo̧ Eliseonö yöjawobö ji̧'yinobe, ja̧danö yöjawökwe, —Mikwanö ja̧ o̧te kwiyo, ja̧danö iyaju kwumusidi kwimido. Ikenama, ökwöbi, kwitji̧mubi ja̧ ji̧baja̧ baladanö kwö̧jaduwo, —jö̧ba̧lö weinobe.

Weoko, weaja̧danö emaju jitji̧mukwö tejachinobe jeju okwa, ja̧danö tebachaju apjude jutumatinobe. Ikenama, o̧te jipe'onö, jitji̧muma i̧sa̧yu jwii̧ oyu tjichejebinobe.

Ikenama tjemu öwame öwamatinobe Eliseoma, iteda aama, tjemu aa wame ji̧nö, ja̧danö öbajalebiya tjemu öbajalebiya wame ji̧nö, ja̧danö ömamiju tjemu ömamiju wame ji̧nö. Ja̧danö, jobekwö tjemu öwame ö̧jonö, tjemu iteba'oma ja'yubenö tubamachibinobe.