آيات مشهورة من الكتاب المقدس من2 Reyes 2

شارك

Jemi ikenama, ojwe baledajadö, Eliasma Eliseonö abebö a̧ja̧kwinobe: —Eliseo, kwö̧jelö Dios ötjönö emakwa̧ abönö, abebö cha̧ja̧kwakwö, ökwönö pjabatö dakwö ja̧tobö akebobeda? —jö̧ba̧lö. Abebö a̧ja̧kwökwe, —Chuluwo̧ Elias, ökwö lakebaja̧ okobe, abönö pöe dötölatajanö emi̧danö, kwujulutjö dötölatajanö chemobö chösöda, ökwö Dios yöawi̧ yöbawo̧ kwö̧ji̧danö, ötjöbi yöbawo̧ juluwo̧ chö̧jakobetjö̧, —jö̧ba̧lö atadinobe.

Ja̧danö, jemi ikena, jemi tupakwö kwebachö, yötja̧lakwawemi ja'ötjö, jobadönö 'da̧batö junö, juluwanö tjö'wejenö ökwöla, kabayudödanö, ja̧danö kolukadanö ichejekwöla baledinobe. Ja̧danö, jemi ikenama jwa̧le'epjo labinö jalawapjoma Eliasnö kabeibö e'ewinobe, mölejȩbe.

Atadökwe, —Akebaja̧ma waiya Eliseo, ötjöma jobekwö wetoböma juluwö̧kö̧sa. Jo̧kwaijayonö, baikwö yötawakwö: Kwö̧jelö Dios ötjönö emenama, latebobe kweditjö̧ma, kwö̧waisakwo̧ja, isabenö akebaja̧danö weajabe Diosma jö̧ba̧lö. Jo̧kwaijayonö latebobe kwedökötjö̧ma, akebaja̧danö baledökakobe, —jö̧ba̧lö.

Ichibajo̧, Elias iteaja̧ wamesa̧do̧ 'bo̧dibö ojwenö kwabö yöa̧linobe, —Eliasnö pjabatina Isabenö Jo̧ Diosma ötjönöbi Dios ujulu chi̧sȩbobö pjaatakwa̧ji̧? —jö̧ba̧lö. Ja̧danö, kwaenama, bakwachobebi, bakwachobebi lamatinobe ojwema, ja̧danö ö'wejenö öbaledinobe.

Ja̧ baledi̧ edinobe Eliseoma, ja̧danö edö jwöeba̧linobe, —Chabe'do Elias, chabe'do. Ökwö Israel niji ju̧kwadötjö inesö tjöbeba̧lö pjabato̧nö Dios emajabe!—jö̧ba̧lö. Ja̧danö, Eliseo ö̧jelö debi baibinobe Eliasma, edökenanö. Jobekwö edajo̧, o̧'wo tjo̧achö iteda ökamiji̧do̧ kȩ'ekwö loinobe, dö̧do̧lataja baibanö.

Ja̧danö, ojwe ö'öbö ichibajadö, Eliasma ökamijido̧ wa̧mesa̧do̧ 'bo̧dibö, ojwenö kwainobe, ja̧danö kwaenama, ö'wejenö 'da̧bachibö bakwachobebi, bakwachobebi lamatinobe, ö'wejenö mana kököama lamatinö. Ja̧danö, Eliasbi, Eliseobi mana kököamabenö tjöbaledinobe, ojwe bakwachödöbe.

Isabenö Jo̧ Diosma omudawö ujuninobe, ömöayo̧ yöawi̧ yöbawo̧ Eliasnö mölejebe jalawapjo jwa̧lȩ'epjonö e'ewobö. Ja̧danö, ja̧ baledakwa̧ möle badekwachenama, baikwö baledinobe. Ja̧ möle, Eliasbi, ömöayo̧ Eliseobi Guilgal comunidadtjö labebö kwetjachinobe.