Ja̧danö, Horesnö ö̧jono, Saul itji̧ Jonatanma David ö̧jobekwö Davidnö edö i̧'yinobe, ja̧danö jo̧banö ujuluwachibanö pjaatinobe, —Isabenö Diosma ökwönö pjaatakobe, —jö̧ba̧lö. Jonatanma Davidnö yöa̧linobe, —Chabe'do ökwönö isakwijayonö, yebabökönui, chabe'do Saulma ökwönö öbadekwajökakobe. Isabenö ökwöma israel jojodö la'aka tjuluwo̧ bakibakwo̧ja, ja̧danö ötjöma kwömöayo̧ ja̧nö kwipjea jojo chö̧jakwo̧sa. Chabe'dobi ja̧ wene öwaisobe, isabenö ökwöma israel jojodö la'aka tjuluwo̧ bakibakwo̧ja, jö̧ba̧lö ja̧danö ötjöma kwömöayo̧ chö̧jakwo̧ja, jö̧ba̧lö öwaisobe chabe'do Saulma, —jö̧ba̧lö yöawinobe Jonatanma.