Jejenö atadökwe, Samuelma yöawinobe, —Isabenö omukwatö̧kö̧ omukwati̧danö sulabenö ja̧köbajabe Saul, Kwuluwo̧ Isabenö Jo̧ Dios weöködanö, a̧ja̧kwökönö sulabenö ja̧köbajabe. Ökwönö jweinö wei̧jayonö, a̧ja̧kwökönö ja̧köbajabe. Isabenö yötawakwö, isabenö jo̧ba wei̧ kwa̧ja̧kwatjö̧ma, ökwöda kwitji̧mu tupadanö jojodöma ba̧kwelöjatebö israel jojodö tjuluwedö tjö̧jobö weo jö̧a̧linobe Isabenö Jo̧ma. Jo̧kwaijayonö, a̧ja̧kwökönö kwö̧jiökwe, israel jojodö la'aka luwo̧ kwö̧ji̧ma, lekwema kwö̧jö̧kakobe. Isabenö Jo̧ma iteda omukwati̧danö omukwato̧nö isakwajabe, ja̧danö jo̧banö weajabe, ökwö kwö̧jo jö̧ka̧lemi jo̧bada iteda ömöledö israel jojodö tjuluwo̧ ö̧jobö. Ökwöma Dios wei̧ a̧ja̧kwökönö kwö̧jiökwe, Isabenö Jo̧ma balekwo̧nö kwö̧jemi ö̧jobö weobe, —jö̧ba̧lö yöawinobe Samuelma, Saulnö.