آيات مشهورة من الكتاب المقدس من1 Reyes 3

شارك

Jo̧kwajabetjö̧, chomajadenö okwa jawa waisanö chomukwati̧nö pjakatobö atebakwö chuluwo̧, kwömöledö israel jojodönö otiwanö jwebebö, ötibakobetjö̧. Jau chuluwo̧, bakwo̧ iteda ujulunö, bidö inesö ba̧jȩkwadö kwömöledönö otiwanö jweebobö jwiena, jo̧kwajabetjö̧ waisanö chomukwatobö atebakwö, jobadönö jwebebö, otiwi̧ suli̧tjö böjö, otiwanö jobadönö jwetabakwa̧ chöwaisakobetjö̧, —jö̧ba̧lö aebinobe Salomonma.

akebaja̧danö chiyakwö. Jau Salomon, kwomajadenö okwa jawa jweinö waisanö kwomukwatobö chiyajabe. Isabenö waisanö kwomukwatobö chiyajobetjö̧, okobe deinö ökwötjö ajayinö ji̧nadötjö bajalekwönönö waisanö omukwato̧ kwö̧jakwo̧ja, ja̧danö debö kwi̧'yaja̧ okobe, bakwo̧bi ökwö waisanö kwomukwati̧danö omukwato̧ma deakobe.

Ja̧danö aebaja̧ ösödö, jo̧banö yöa̧linobe Diosma: —Salomon, ökwöda kwösödi̧ jawa, lekwe ja̧kwawaö̧kö̧, nöinö teaö̧kö̧, kwöpöjojodö wotjakwa̧ö̧kö̧, ökwöda kwösödi̧ jawa abebökönö, okwa jawa waisanö omukwatö, jweinö lȩekwada kwöwaisobö akebajobetjö̧

Ja̧danö, ju'wibi akebajökö jawabi chiyakwö Salomon. Jwiinö noinö kwiteabi chiyakwö, ja̧danö okobe deinö otiwanö tjomukwatökwe kwö̧jobö chiyakwö Salomon. Jau, ina 'yaba̧lo̧ kwö̧jayi, ju'wedö la'aka luwedötjö bakwobi deakobe, ökwö kwujuna̧li̧danö nöinö juna̧lo̧ma, ja̧danö bakwo̧bi deakobe, ökwönö otiwanö tjomukwati̧danö otiwanö tjomukwatökwema.

Ja̧danö ju'wibi yötawakwö Salomon: Ja̧bö kwö̧jaduwobö weti̧bi, ju'wi weti̧bi kwabe'do David a̧ja̧kwö ö̧jinadanö, ökwöbi otiwanö a̧ja̧kwö kwö̧jitjö̧ma, lekwe möle kwö̧jobö chiyakwo̧sa, —jö̧ba̧lö yöawinobe Diosma, i̧'wi̧dinö.

Ja̧danö, ju'wi yö̧te Salomon Gabaonnö ö̧jenama, Isabenö Jo̧ma Salomonnö öwawachibinobe, i̧'wi̧dinö. Öwawachajo̧, Diosma jo̧banö abebö a̧ja̧kwinobe, —Ökwönö chiyakwa̧ma, di̧ya jawa ökwönö chiyobö jö̧ka̧lobeda? —jö̧ba̧lö.

Jau chuluwo Isabenö Jo̧ Dios, ötjö kwömöayo̧nö kabebö kwujunajabe, Chabe'do David ö̧jinemi, ötjöbi la'aka luwo̧ chö̧bobö, jo̧kwaijayonö ina wajwibo̧sa, otiwanö chömöledö israel jojodönö öbibö chö̧jakwa̧ma. La'aka luwo̧ chö̧jijayonö, ina tjemudanö wajwibo̧sa chuluwo̧.

Jejenö aebiökwe, Isabenö Jo̧ma ösödinobe, isabenö mikwawi̧ jawa abebo̧ Salomonma, jö̧balö.

Abebö a̧ja̧kwökwe, Salomonma atadinobe, —Chuluwo̧ Dios, jwaikwöda kabatibökönö kwösödi̧ wene kwi̧sebijatö chabe'dominenö. Otiwanö isabenö wene ösödö, omajadenö jweinö omukwatö, weköbi̧ a̧ja̧kwö ja̧nö, ökwönö ösödö ö̧jinobe, ja̧danö balekwa mikwa, jwiinö otiwanö jo̧banö kwiyijatö chuluwo̧. Jau chuluwo, chabe'donö ösödö, ötjö jo̧ba itji̧da, israel jojodönö webö ba̧kwawakanö chö̧bobö weköbijatö, ja̧danö jejenö kwiyi̧tjö̧, babe möle israel jojodö la'aka tjuluwo̧ bo̧sa.

Jo̧kwajabetjö̧, ötjönö kwiyakwa̧, baikwö atebakwö chuluwo̧: Ötjö kwömöayo̧ma, ökwöda kwömöledö omudawö kwujuninawö̧ tjö̧'dade jo̧sa. Ökwöma kwömöledösaso ba̧jȩkwaso omudawö kwujunijatö chuluwo̧, tjö̧ba̧jadökenanö baibanö, ba̧jȩkwaso omudawö kwujunijatö chuluwo, ja̧danö tjö̧'dade ja̧nö, jobadötjö inesö la'aka luwo̧ chö̧bobö weköbajabe.