آيات مشهورة من الكتاب المقدس منNdandililo 9

شارك

Sooni Akunnungu ŵatite, “Achi ni chimanyisyo cha lilangano lyangu lingutenda ni ŵanyanwe pampepe ni yepanganyikwe yejumi yose yaili pamo ni ŵanyamwe kwa iŵelesi yose ichiiche. Nguŵika ukunje wa ula kumaunde, ni wele chiuŵe chimanyisyo cha lilangano lyangu ni chilambo.

Wele ukunje wa ula pachiutyoche kumaunde, chinauwone ni kulikumbuchila lilangano lyangu lya moŵa gose pangali mbesi lyalili pasikati jangu ni yepanganyikwe yose yaili ni umi ya uŵeleuŵele pachilambo.”

Mundu jwalijose juchammulaje njakwe nombejo aulajikwe ni ŵandu, pakuŵa Akunnungu ŵangumbile mundu kwa kulandana ni asyene.

Nipele Akunnungu ŵampele upile che Nuhu ni achiŵanagwe, ŵaasalile, “Mmeleche, njonjesyeche nkachigumbasye chilambo.

Inyama yose chiiŵe chakulya chenu, ngumpanga mpela ila inditite pakumpa mimela kuŵa chakulya chenu.

Inyama yose ni ijuni ya mwinani yose ni yepanganyikwe yaikukwaŵa yose pachilambo ni somba syose sya mu bahali, yose ili mu ulamusi wenu, nombeyo chiikole lipamba ni kunjogopa ŵanyamwe.

“Ni ŵanyamwe mmeleche nkajonjesyeche, mmeleche kwannope nkachigumbasye chilambo.”