آيات مشهورة من الكتاب المقدس منMélékusu 11

شارك

Boóma moánɛ bɔ́ nnyó oyanamɔ́ caá, buimée bɔ́ɔbɔ no ɔŋɛnɔmɔ́ naá mbósógólí, olímínyóo nɔnɔ goŋaá no á bó bɛáa, gɔ́ɔ no gaá ná bó bɛáa.

Mammana, ŋgaá nyó oyáná caá, mɔtɔ a amɔ́ a gálɛda ogɔndɔ yɔ́ɔyɔ a amɔ́: “Úlúkíe hɔ́ɔlɔ́ go ɛ́da bɔ́nɔ naá máŋɛ́”, ba ndiemi aáŋa a dɛ bɛáa cuŋí naá odɛ́má, a bóó olímínyóo naá odɛ́má yɛ́hɛ́ goŋaá boóma bɔ́ɔbɔ a gálagalamɔ́ bó ɛ́nanɛna, Asaŋa a gaá mo fáá obɔ moánɛ.

Gɔ́ɔgɔ no dɛ́lɛmɛnamɔ́ go go bósógolonyo, aáŋa no bɛanana gɛsɛnɛ na mɔtɔ, mo hééhínyéemú nɔnɔ, goŋaá Isée bɛnyɔ́ mɔ́ɔnyɔ a lɔ́mɔ́ naá mmoɛná a nyó héehinye tɔ́nɔ go bɛoba bɛ́nyɔ́.»

Yésusu go gundie a amɔ́: «Ágá nɔnɔ odɛ́má yɛ́nyɔ́ naá Asaŋa.

Gɔ́ɔ ɛ ɛ́damɔ́ go bó húunenye a bó oyanɛna a amɔ́: «Ábɔ, bó do báá ɔ́ŋɔ́ɔlú goŋaá: bá ŋga dɔ́ŋɔ́nɔ́ɔ Nnyaŋá yamɛ bá amɔ́ “nnyaŋá ya mbósógólí” go mɛɛ́nɔ miimée. Kanɛ́ bɛɛnyɔ́ɔ no báá go yɛ íyie nɛbɔ́ɔsɛgɔ ná biíbi.»

Báaba bá mbaá lɔmɔ́ bá mo gɔ́gɔ naá busío na báaba bá mbaá lɔmɔ́ bá mo bienene bá ánca bá amɔ́: Osána! «Gɛfona gɛ́ bɛ́ɛmba na mɔ́ɔnyɔ u úlenemú go ufíno yá Daadáa!

Gɛfona gɛ́ bɛ́ɛmba na bufuŋe bɔ́ɔbɔ bó úlenemú, bufuŋe bá isée bɛcɔ́ Défidi. Osána! Nigúmi na Asaŋa naá mmoɛná.»